اِنجِیل شریف (لُوقا) 16:1 - Mirpuri-Pahari Bible

¹ فِر حضرت عِیسیٰ اپݨے صحابیاں کی اِک قِصّہ سُݨایا، ”اِک واری نی گل اَے، کُسے امِیر بندے نا مُنشی سی جِس نے حوالے اُس اپݨا سارا حِساب کِتاب کِیتا سی۔ اُس امِیر بندے کی پتہ لغا کہ اُس نا مُنشی اُس نا مال پیا ضائع کرنا اَے۔

اِنجِیل شریف (لُوقا) 16:1 ပူးပေါင်းရင်းမြစ်များ

توریت شریف: پَیدایش 15:2

پر حضرت ابرام اعتراض کیتا، ”اے رب قادر مطلق، تُوں مِکی کَے دیسیں؟ میں تے اجے تک اوتر آں، تے مہاڑی ساری وراثت نا مالک مہاڑا نوکر اِلی عزر دمشقی بݨی جاسی.

توریت شریف: پَیدایش 43:19

اِس واسطے کہرے نے دروازے پر پُہنچی کے اُنہاں کہرے نے ملازمے کی آخیا،

اِنجِیل شریف (لُوقا) 12:42

حضرت عِیسیٰ جواب دِتا، ”کدے مالک اپݨے کُسے وفادار تے عقلمند نوکرے نے حَوالے اپݨے کہار چلاݨے نا نظام کَرے، تے اُس نی ڈیوٹی لائے کہ او باقی سارے نوکراں کی وقت اپر کھاݨا دے،

اِنجِیل شریف (لُوقا) 15:13

تھوڑے دیہاڑیاں بعد نِکّے پُترے اَپݨا حِصّہ بیچی شوڑیا، تے رُوپے ہِݨی کے کُدرے دُور ٹُری گیا۔ اُتھے جائی کے اُس اپݨی ساری دولت فَضُول خَرچی وِچ ضائع کری شوڑی۔

اِنجِیل شریف (لُوقا) 15:30

پر جیہڑے ویلے تُساں نا او پُتر آیا اے، جِس تُساں نا سارا مال بُریاں جناݨیاں اپر ظائع کِیتا اے، تے اُس واسطے تُساں تغڑا جہیا بچھہ کوہیا!‘

اِنجِیل شریف (لُوقا) 16:19

فِر حضرت عِیسیٰ اُنہاں کی اِک قِصّہ سُݨایا، ”کوئی امِیر بندہ سی او بہُوں ہی قِیمتی تے چَنگے کپڑے لاݨا ہوݨا سی۔ او بہُوں ہی خُوش و خرم سی تے اُس نا ہر دیہاڑا عِیدی نا دیہاڑا ہوݨا سی۔

اِنجِیل شریف (لُوقا) 16:2

اُس اپݨے مُنشی کی بُلائی کے پُچھیا، ’اے کَے گل اَے جیہڑی میں پیاں سُݨنا؟ اَپݨا سارا حِساب مِکی دس، کِیئانکہ تُوں اِس قابل نی ایں کہ اِس کَمّے واسطے تُکی رَخیا جائے۔‘

اِنجِیل شریف (لُوقا) 19:20

ترِیئے اچھی کے آخیا، ’حضُور، اے کِہنو اپݨا سِکہ۔ میں اِس کی رُومال وِچ سنبھالی کے رخیا۔

اِنجِیل شریف (لُوقا) 8:3

ہَیرودیس بادشاہ نے درباریِ خاص خُوزہ صاحب نی بِیوی حِنّا بی بی وی اُنہاں نال ہوݨی سی، سُوسَناہ بی بی تے بہُوں ساریاں ہور جناݨیاں وی سݨ، جیہڑیاں اپݨے مال واسباب وِچوں حضرت عِیسیٰ تے اُنہاں نے صحابیاں نے اخراجات نا بَندُوبست کرنیاں ہوݨیاں سݨ۔