اِنجِیل شریف (لُوقا) 15:7 - Mirpuri-Pahari Bible

⁷ اِسے طرح نِنانوے پَرہیزگار لوکاں نے مُقابلے وِچ جِنہاں کی توبہ نی لوڑ نی ہوݨی، اِک غُنہگار بندہ جیہڑے ویلے اپݨے غُناہواں تُوں توبہ کرݨا اے، تے آسماناں اپر زیادہ خُوشی منائی جاݨی اَے۔“

اِنجِیل شریف (لُوقا) 15:7 ပူးပေါင်းရင်းမြစ်များ

اِنجِیل شریف (لُوقا) 15:10

میں تُساں کی دسی شوڑاں، اِسے طرح جیہڑے ویلے کوئی غُنہگار بندہ اپݨے غُناہواں تُوں توبہ کرنا اے، تے اللّٰہ تعالیٰ نے فرِشتے وی خُوشی مَناݨے اݨ۔“

اِنجِیل شریف (لُوقا) 15:29

پر اُس اپݨے پِیؤ کی آخیا، ’اَبّو جی تکو ناں، میں کِتنے عرصے تُوں سخت محنت نال تُساں نی خِدمت پیا کرنا! کَدے وی تُساں نے حُکم تُوں پِچھے ناں ہٹیا۔ پر تُساں مِکی کَدے اِک بَکرا وی نی دِتا تانکہ میں اپݨے سَنگیاں کی بُلائی کے خُوشی مَناں!

اِنجِیل شریف (لُوقا) 15:32

پر اے گل تے ضرُوری سی کہ اَساں سارے خُوشی مَناں کہ تُہاڑا او پہرآ جیہڑا مُردہ ہوئی گیا سی، ہُݨ دُوئی واری زِندہ ہوئی گیا اَے۔ اے گَنوی گیا سی، ہُݨ اے لبھی گیا اَے۔‘ “

اِنجِیل شریف (لُوقا) 15:6

کہرے در آݨنا اَے۔ کہار پہُنچی کے اپݨے گَوانڈیاں تے دوستاں کی بُلائی کے آخݨا اے، ’سارے مہاڑے نال مِلی کے خُوشی مَناؤ، کِیئانکہ مِکی اپݨی گَنوی وی پہیڈ لبھی گئی اَے۔‘

اِنجِیل شریف (لُوقا) 15:8

”اِسے طرح کَدے کُسے جناݨی کول دس دِینار ہوݨ تے اُنہاں وِچوں اِک کُسے نہیرے آلی جغہ وِچ گَنوی جائے، تے او کَے کرنی اے؟ کَے او بَتّی بالی کے سارے کہرے وِچ کھَس پھیری کے لوڑݨ نی لغی، تے جیہڑے ویلے تک اُس کی لبھی ناں جائے، کونہ کونہ چھاݨی نی مارنی؟

اِنجِیل شریف (لُوقا) 16:15

حضرت عِیسیٰ اُنہاں کی آخیا، ”تُساں اُنہاں لوکاں وِچوں او جیہڑے لوکاں نے سامݨے تے اپݨے آپ کی بہُوں نیک ثابت کری کِہننے اݨ، پر اللّٰہ تعالیٰ تے تُساں نی اَصلیّت کی بہُوں چَنگی طرح سمجھݨا اَے۔ کِیئانکہ جیہڑیاں چِیزاں نی اِنسان نی نَظر وِچ اہمیّت ہوݨی اَے، اللّٰہ تعالیٰ نی نَظر وِچ او چِیزاں قابِل ِ نفرت اݨ۔

اِنجِیل شریف (لُوقا) 5:32

میں اُنہاں لوکاں واسطے ناں آیا جیہڑے اپݨے آپ کی ایماندار سمجھݨے اݨ، بلکہ اُنہاں واسطے جیہڑے غُنہگار اݨ، تانکہ او اپݨے غُناہواں کی چھوڑی کے توبہ کرݨ۔“