اِنجِیل شریف (لُوقا) 15:29 - Mirpuri-Pahari Bible

²⁹ پر اُس اپݨے پِیؤ کی آخیا، ’اَبّو جی تکو ناں، میں کِتنے عرصے تُوں سخت محنت نال تُساں نی خِدمت پیا کرنا! کَدے وی تُساں نے حُکم تُوں پِچھے ناں ہٹیا۔ پر تُساں مِکی کَدے اِک بَکرا وی نی دِتا تانکہ میں اپݨے سَنگیاں کی بُلائی کے خُوشی مَناں!

اِنجِیل شریف (لُوقا) 15:29 ပူးပေါင်းရင်းမြစ်များ

اِنجِیل شریف (لُوقا) 15:28

اُس اے گل سُݨی، تے اُسی بہُوں غُصہ چڑھی گیا۔ اُس اندر جاݨے تُوں اِنکار کری شوڑیا۔ پِیؤ کی اِس گل نا پتہ لغا، تے او آپوں باہر آئی کے بڑے پُترے کی راضی کَرݨ لغا۔

اِنجِیل شریف (لُوقا) 15:30

پر جیہڑے ویلے تُساں نا او پُتر آیا اے، جِس تُساں نا سارا مال بُریاں جناݨیاں اپر ظائع کِیتا اے، تے اُس واسطے تُساں تغڑا جہیا بچھہ کوہیا!‘

اِنجِیل شریف (لُوقا) 15:7

اِسے طرح نِنانوے پَرہیزگار لوکاں نے مُقابلے وِچ جِنہاں کی توبہ نی لوڑ نی ہوݨی، اِک غُنہگار بندہ جیہڑے ویلے اپݨے غُناہواں تُوں توبہ کرݨا اے، تے آسماناں اپر زیادہ خُوشی منائی جاݨی اَے۔“

اِنجِیل شریف (لُوقا) 17:10

اِس واسطے تُساں جِس ویلے اُنہاں حُکماں نی تعمِیل کرو جیہڑے تُساں کی دِتے گئے اݨ، تے آخیا کرو، ’اَساں ناچِیز آں۔ اَساں جو کُجھ کِیتا، او تے اَساں نا فرض سی۔‘ “

اِنجِیل شریف (لُوقا) 18:9

فِر حضرت عِیسیٰ اُوئے جہیاں لوکاں نے بارے وِچ مِثال سُݨائی جیہڑے اپݨے آپ کی مذہب نا ٹھِیکیدار سمجھݨے اݨ تے دُوئے لوکاں کی حقِیر سمجھݨے اݨ۔

اِنجِیل شریف (لُوقا) 19:21

مِکی تُساں نا ڈَر سی کِیئانکہ تُساں بہُوں سخت آدمی او۔ تُساں او پَیسے بَینک وِچوں کِہننے او جیہڑے تُساں جمع نی کرائے۔ تُساں او فصل کٹݨے او جِس نا تُساں بِیں نی رایا۔‘