اِنجِیل شریف (لُوقا) 15:24 - Mirpuri-Pahari Bible

²⁴ اے مہاڑا پُتر تے مُردہ ہوئی گیا سی، پر ہُݨ اے دُوئی واری زِندہ ہوئی گیا اَے! اے گَنوی گیا سی، پر ہُݨ اے لبھی گیا اَے!‘ فِر اُنہاں ساریاں مِلی کے خُوشی مَنائی۔

اِنجِیل شریف (لُوقا) 15:24 ပူးပေါင်းရင်းမြစ်များ

توریت شریف: پَیدایش 45:28

او آخݨ لغے، ”بس، ہُݨ مِکی یقین ہوئی گیا کہ مہاڑا پُتر یُوسف جِیݨا۔ تے میں مرنے تُوں پہلے جائی کے اُس کی ضرور تکساں۔»

اِنجِیل شریف (لُوقا) 10:19

یاد رَخو! میں تُساں کی اِس قابل بݨائی شوڑیا اَے کہ ہُݨ تُساں اِنہاں سَپاں تے بِچُوواں کی کُچلی کے رخی شوڑو تے دُشمݨ شیطان اپر غالب آئی جاؤ۔ تُساں نا کوئی کُجھ نی بِگاڑی سکݨا۔

اِنجِیل شریف (لُوقا) 15:23

اِس نے اچھݨے نی خُوشی وِچ اِک تغڑا جہیا بچھہ کوہی کے دَعوت نا اِنتظام کرو۔

اِنجِیل شریف (لُوقا) 15:25

اِس دوران اُس بندے نا بڑا پُتر باڑیاں وِچ کَم پیا کرنا سی۔ جیہڑے ویلے او کہرے در مُڑی کے آیا تے اُسی اپݨے کہروں نَچݨے گاݨے نی آواز آئی۔

اِنجِیل شریف (لُوقا) 15:32

پر اے گل تے ضرُوری سی کہ اَساں سارے خُوشی مَناں کہ تُہاڑا او پہرآ جیہڑا مُردہ ہوئی گیا سی، ہُݨ دُوئی واری زِندہ ہوئی گیا اَے۔ اے گَنوی گیا سی، ہُݨ اے لبھی گیا اَے۔‘ “

اِنجِیل شریف (لُوقا) 15:4

”فرض کرو تُساں وِچوں کُسے بندے نیاں سو پہیڈاں ہوݨ۔ اُنہاں وِچوں اِک پہیڈ گَنوی جائے، تے او کَے کرسی؟ کَے او نِنانوے پہیڈاں اُتھے ہی چھوڑی کے اپݨی اُس گَمی وی پہیڈے کی لوڑنا نی رہݨا، جدُوں تک کہ اُس کی او لبھی ناں جائے؟

اِنجِیل شریف (لُوقا) 19:10

گل اے اَے کہ اِبنِ اِنسان یعنی کہ میں اُنہاں لوکاں کی لوڑنے واسطے تے نجات دیݨے واسطے آیا آں جیہڑے گُمراہ ہوئے وے اݨ۔“

اِنجِیل شریف (لُوقا) 9:60

حضرت عِیسیٰ اُس کی جواب دِتا، ”تُوں پہلے جائی کے اللّٰہ تعالیٰ نی بادشاہی نے بارے وِچ پَیغام لوکاں کی سُݨا! مُردیاں کی اپݨے مُردے آپوں دفن کرݨ دے۔“