اِنجِیل شریف (لُوقا) 15:13 - Mirpuri-Pahari Bible

¹³ تھوڑے دیہاڑیاں بعد نِکّے پُترے اَپݨا حِصّہ بیچی شوڑیا، تے رُوپے ہِݨی کے کُدرے دُور ٹُری گیا۔ اُتھے جائی کے اُس اپݨی ساری دولت فَضُول خَرچی وِچ ضائع کری شوڑی۔

اِنجِیل شریف (لُوقا) 15:13 ပူးပေါင်းရင်းမြစ်များ

اِنجِیل شریف (لُوقا) 15:12

نِکّے پُترے اپݨے پِیؤ کی آخیا، ’اَبّا جی، جائیداد وِچوں جیہڑا حِصّہ مہاڑا بَݨنا اے، او مِکی چائی دیو۔‘ اُس بندے کَے کِیتا کہ ساری جائیداد اپݨے دوآں پُتراں کی بَنڈی شوڑی۔

اِنجِیل شریف (لُوقا) 15:14

تے جیہڑے ویلے اُس نی ساری دولت ختم ہوئی گئی سی، تے اُس مُلخے وِچ سَخت قحط پئی گیا۔ ہُݨ او مُحتاج ہوئی گیا۔

اِنجِیل شریف (لُوقا) 15:30

پر جیہڑے ویلے تُساں نا او پُتر آیا اے، جِس تُساں نا سارا مال بُریاں جناݨیاں اپر ظائع کِیتا اے، تے اُس واسطے تُساں تغڑا جہیا بچھہ کوہیا!‘

اِنجِیل شریف (لُوقا) 16:1

فِر حضرت عِیسیٰ اپݨے صحابیاں کی اِک قِصّہ سُݨایا، ”اِک واری نی گل اَے، کُسے امِیر بندے نا مُنشی سی جِس نے حوالے اُس اپݨا سارا حِساب کِتاب کِیتا سی۔ اُس امِیر بندے کی پتہ لغا کہ اُس نا مُنشی اُس نا مال پیا ضائع کرنا اَے۔

اِنجِیل شریف (لُوقا) 16:19

فِر حضرت عِیسیٰ اُنہاں کی اِک قِصّہ سُݨایا، ”کوئی امِیر بندہ سی او بہُوں ہی قِیمتی تے چَنگے کپڑے لاݨا ہوݨا سی۔ او بہُوں ہی خُوش و خرم سی تے اُس نا ہر دیہاڑا عِیدی نا دیہاڑا ہوݨا سی۔