اِنجِیل شریف (لُوقا) 15:10 - Mirpuri-Pahari Bible

¹⁰ میں تُساں کی دسی شوڑاں، اِسے طرح جیہڑے ویلے کوئی غُنہگار بندہ اپݨے غُناہواں تُوں توبہ کرنا اے، تے اللّٰہ تعالیٰ نے فرِشتے وی خُوشی مَناݨے اݨ۔“

اِنجِیل شریف (لُوقا) 15:10 ပူးပေါင်းရင်းမြစ်များ

اِنجِیل شریف (لُوقا) 12:8

”یقِین کرو کہ جیہڑا کوئی لوکاں نے سامݨے مہاڑا اِقرار کرسی، اِبنِ اِنسان یعنی کہ میں وی اللّٰہ تعالیٰ نے حضُور فرِشتیاں نے سامݨے اِسے طرح کَرساں۔

اِنجِیل شریف (لُوقا) 12:9

پر جیہڑا کوئی لوکاں نے سامݨے مہاڑا اِنکار کرسی، اللّٰہ تعالیٰ نے فرِشتیاں نے سامݨے اُس نا وی اِنکار کِیتا جاسی۔

اِنجِیل شریف (لُوقا) 13:5

بِلکُل ناں! بلکہ میں تُساں کی دسی شوڑاں، اگر تُساں اپݨے غُناہواں تُوں توبہ ناں کِیتی، تے تُساں وی اُنہاں نی طرح ہلاک ہوئی جاسو۔“

اِنجِیل شریف (لُوقا) 15:11

فِر حضرت عِیسیٰ اُنہاں کی اِک ہور مِثال سُݨائی، ”کُسے بندے نے دو پُتر سݨ۔

اِنجِیل شریف (لُوقا) 15:7

اِسے طرح نِنانوے پَرہیزگار لوکاں نے مُقابلے وِچ جِنہاں کی توبہ نی لوڑ نی ہوݨی، اِک غُنہگار بندہ جیہڑے ویلے اپݨے غُناہواں تُوں توبہ کرݨا اے، تے آسماناں اپر زیادہ خُوشی منائی جاݨی اَے۔“

اِنجِیل شریف (لُوقا) 15:9

تے فِر جیہڑے ویلے اُس کی او سِکہ لبھی جاݨا اے، تے او اپݨے ساریاں گَوانڈناں تے سَہیلیاں کی بُلائی کے آخݨی اے، ’ساریاں مہاڑے نال مِلی کے خُوشی مَناؤ، کِیئانکہ مِکی گَنویا وا سِکہ لبھی گیا اَے۔‘

اِنجِیل شریف (لُوقا) 7:47

اِس واسطے میں تُکی دسݨا آں کہ اِس جناݨی نی اِتنی زیادہ محبت، اے ثابت کرنی اَے کہ اِس نے بہُوں سارے غُناہ معاف کِیتے گئے اݨ۔ پر جِس نے تھوڑے غُناہ مُعاف ہوئے اݨ، او محبت وی تھوڑی کرنا اَے۔“