اِنجِیل شریف (لُوقا) 14:11 - Mirpuri-Pahari Bible

¹¹ کِیئانکہ جیہڑا کوئی اپݨے آپ کی بڑا سمجھݨا اے، اُس نی تَذلیل ہوݨی اَے۔ تے جیہڑا کوئی عاجِز بَݨنا اے، اُسی عِزّت لبھݨی اَے۔“

اِنجِیل شریف (لُوقا) 14:11 ပူးပေါင်းရင်းမြစ်များ

اِنجِیل شریف (لُوقا) 1:51

اللّٰہ تعالیٰ اپݨی قُدرت ظاہر کِیتی اے- جیہڑے مغرُور سݨ، اُس اُنہاں کی بکھیری شوڑیا اَے۔

اِنجِیل شریف (لُوقا) 1:52

اُس بادشاہواں کی فقِیر کری شوڑیا اَے، تے عاجز لوکاں کی اِختیار آلا بݨائی شوڑیا اَے۔

اِنجِیل شریف (لُوقا) 14:12

فِر حضرت عِیسیٰ اپݨے میزبان کی مُخاطِب ہوئی کے آخݨ لغے، ”جیہڑے ویلے دَعوت کرو، تے اپݨے سَنگیاں، رِشتے داراں تے امِیر گمانڈیاں کی ناں بُلایا کرو۔ کِیئانکہ او وی تُساں کی دَعوت دیسݨ تے اَجر اِتھے ہی ہوئی جاسی۔

اِنجِیل شریف (لُوقا) 18:14

فِر حضرت عِیسیٰ آخیا، ”میں تُساں کی دسی شوڑاں کہ کہار جاݨے ویلے فریسی نی، بلکہ او ٹیکس کِہنݨے آلا اللّٰہ تعالیٰ نی نظر وِچ نیک سمجھیا گیا سی۔ کِیئانکہ جیہڑا کوئی اپݨے آپ کی بڑا سمجھسی، اللّٰہ تعالیٰ اُسی عاجِز کرسی۔ تے جیہڑا کوئی عاجِز بݨسی، اللّٰہ تعالیٰ اُسی بڑا درجہ دیسی۔“