اِنجِیل شریف (لُوقا) 13:14 - Mirpuri-Pahari Bible

¹⁴ اے گل تکی کے عِبادت خانے نا سربراہ خفا ہویا کہ ہفتے آلے مُبارک دیہاڑے اُنہاں اے کَم کِیئاں کِیتا۔ او لوکاں کی آخݨ لغے، ”کَم کرنے نے چھے دیہاڑے ہوݨے اݨ، ہفتے آلا مُبارک دیہاڑا نی ہوݨا۔ جِس کُسے کی شِفاء نی لوڑ ہووے، اُنہاں دیہاڑیاں وِچ اچھیا کرو۔“

اِنجِیل شریف (لُوقا) 13:14 ပူးပေါင်းရင်းမြစ်များ

اِنجِیل شریف (لُوقا) 6:11

حضرت عِیسیٰ نے مخالِف اے گل تکی کے غُصے نال لال پیلے ہوئی گئے، تے اِک دُوئے نال گلاں کرݨ لغے، ”اِس نال کَے سلُوک کراں؟“

اِنجِیل شریف (لُوقا) 6:7

کُجھ شرِیعت نے عُلماں تے فریسی فِرقے نے لوک حضرت عِیسیٰ اپر اِلزام لاݨے نا موقع لوڑنے سݨ۔ اِس واسطے او غور نال تکݨ لغے کہ ہفتے آلے مُبارک دیہاڑے کُسے کی شِفأ دیسݨ یا نی؟

اِنجِیل شریف (لُوقا) 8:41

اُتھے حضرت عِیسیٰ کول اِک بندہ آیا جِس نا ناں یائِیر سی۔ او بنی اِسرائیلیاں نے عِبادت خانے نا سربراہ سی۔ اُس عاجزی نال حضرت عِیسیٰ نے پَیراں وِچ پئی کے آخیا، ”مہاڑے کہرے در جُلو“،