اِنجِیل شریف (لُوقا) 13:11 - Mirpuri-Pahari Bible

¹¹ اُتھے اِک اِیئے جہی عورت سی جِسی اَٹھاراں سالاں تُوں جِنّے پغڑے آ سی۔ او اِتنی کُبّی ہوئی گئی سی کہ او بِلکُل سِدّھی نی ہوئی سکݨی سی۔

اِنجِیل شریف (لُوقا) 13:11 ပူးပေါင်းရင်းမြစ်များ

اِنجِیل شریف (لُوقا) 13:12

حضرت عِیسیٰ اُس کی تکیا تے کول بُلائی کے آخیا، ”ماسی، تُساں نی جان اِس بِیماری تُوں چھُڑکی گئی اے!“

اِنجِیل شریف (لُوقا) 13:16

اے عورت حضرت اِبراہِیم نی نسل وِچوں اے، تے اَٹھاراں سالاں تُوں شیطان نے قبضے وِچ ہوئی وی اَے۔ کِیئاں اے گل ٹھِیک نی کہ ہفتے آلے مُبارک دیہاڑے اِس کی رِہائی لبھی جائے؟“

اِنجِیل شریف (لُوقا) 21:28

جیہڑے ویلے اے ساریاں گلاں شرُوع ہوݨ تے تُساں سِدھے ہوئی کے آسمان دَر تکو، کِیئانکہ اُس ویلے تُساں نی نجات نا وقت قرِیب ہوسی۔“

اِنجِیل شریف (لُوقا) 8:2

تے کُجھ جناݨیاں وی سݨ، جِنہاں وِچوں حضرت عِیسیٰ جِنّات کَڈھے سݨ تے اُنہاں کی بیماریاں تُوں شِفأ دِتی سی۔ اُنہاں وِچ مَگدَلے آلی مَریم وی سی جِس وِچوں ست جِنّات کَڈھے گئے سݨ۔

اِنجِیل شریف (لُوقا) 8:27

جِس ویلے حضرت عِیسیٰ بیڑی وِچوں لَتھے، تے اُنہاں کی اُس شہر نا اِک بندہ مِلیا جِس وِچ جِنّات سݨ۔ او بندہ کافی سارے عرصے تُوں ننگا مُنگا پیا رہݨا سی، تے او کُسے کہرے وِچ نی سی رہݨا۔ صِرف قبرستان وِچ ہی رہݨا سی۔

اِنجِیل شریف (لُوقا) 8:43

اُتھے اِک اِیئَے جہئی جناݨی سی جِس بیچاری کی باراں سالاں تُوں زناݨا بِیماری سی۔ اُس اپݨی ساری دولت حکیماں اپر لُٹائی شوڑی سی، پر اُس نا علاج کُسے کولوں وی نی ہوئی سکیا سی۔