اِنجِیل شریف (لُوقا) 12:37 - Mirpuri-Pahari Bible

³⁷ خُوش نصیب اݨ او نوکر جِنہاں نا مالک اچھݨا اے تے او اُس نے اِستقبال واسطے تیار ہوئے وے ہوݨ۔ یقِین کرو کہ مالک اُنہاں نال بہُوں خُوش ہوسی تے اُنہاں نی بہُوں خِدمت کرسی۔

اِنجِیل شریف (لُوقا) 12:37 ပူးပေါင်းရင်းမြစ်များ

اِنجِیل شریف (لُوقا) 12:36

تُساں اُنہاں بندیاں نی طرح ہوئی جاؤ جیہڑے اپݨے مالکے نی راہ کی تکݨے رہݨے اݨ کہ او کیہڑے ویلے شادی نی دعوت تُوں مُڑی اچھی کے دروازہ ٹھکورسی تے او اچھی کے اُس واسطے فَٹّا فَٹ دروازہ کھولسݨ۔

اِنجِیل شریف (لُوقا) 12:43

او نوکر بہُوں ہی خُوش نصِیب ہوسی کہ اُس نا مالک اچھَے تے او اپݨے کَمے کی چَنگی طرح کرنا ہووے۔

اِنجِیل شریف (لُوقا) 17:8

بِلکل ناں! بلکہ تُساں آخسو، ’مہاڑے واسطے کھاݨا تیار کر! تے جِس ویلے تک میں کھاݨے پِیݨے دَروں فارغ ناں ہوݨا مہاڑی خِدمت کر، فِر اِس تُوں بعد تُوں کھائی پی سکݨا ایں۔‘

اِنجِیل شریف (لُوقا) 21:36

اِس واسطے ہر وقت ہوشیار رہو تے دُعا مَنگݨے رہو، تانکہ اللّٰہ تعالیٰ تُساں کی اِنہاں ساریاں اچھݨے آلیاں آفتاں کولوں بچائے، تے تُساں اِبنِ اِنسان یعنی کہ مہاڑے سامݨے کھلی سکو۔“

اِنجِیل شریف (لُوقا) 22:27

اصل وِچ بڑا کُݨ اَے؟ او جیہڑا خِدمت کرنا اے یا او جیہڑا دَسترخوان اپر کھاݨا کھاݨے واسطے بیہݨا اَے؟ بیشک او ہی جیہڑا کھاݨا کھاݨے واسطے بیہݨا اَے۔ پر میں تُساں کول خِدمت کرنے آلے نی طرح آں۔