اِنجِیل شریف (لُوقا) 11:32 - Mirpuri-Pahari Bible

³² قیامت آلے دیہاڑے نینوَہ شہر نے لوک وی اللّٰہ تعالیٰ نی عدالت وِچ کھَلی کے اِس زمانے نے لوکاں کی مُجرم ثابت کرسݨ، اِس واسطے کہ اُنہاں حضرت یُونس کولوں اللّٰہ تعالیٰ نا پَیغام سُݨی کے اپݨے غُناہواں تُوں توبہ کری شوڑی سی، حلانکہ اِتھے تے او اَے جِس نا مُقام حضرت یُونس کولوں وی زیادہ بڑا اَے!“

اِنجِیل شریف (لُوقا) 11:32 ပူးပေါင်းရင်းမြစ်များ

یُونس 3:4

حضرت یُونس پہلی پُوری دیہاڑ شہر وِچ ٹُرݨے رہے، تے فِر لوکاں کی اے پیغام دِتا، ”چالیاں دیہاڑیاں نے اندر اندر نینوہ تَباہ ہوئی جاسی!“

یُونس 3:5

اے گل سُݨی کے نینوہ نے لوکاں اللّٰہ تعالیٰ نے کلام پر اِیمان کِہنی آندا۔ اُنہاں ماتم کرنے واسطے روزہ رکھیا تے نِکیاں بڑیاں ساریاں ماتمی کپڑے لائے۔

یُونس 4:9

پر رب اُس کولوں پُچھیا، ”تُکی کَے حق پہنچݨا، کہ تُوں اِس بیہلے نے سُکݨے توں نراض ہوئیں؟“ حضرت یُونس جواب دِتا، ”مِکی حق ہَے وے! میں اِتنا نراض آں کہ میں مرنا چاہݨا آں!“

اِنجِیل شریف (لُوقا) 11:31

قیامت آلے دیہاڑے مُلکِ سَبأ نی مَلکہ اللّٰہ تعالیٰ نی عدالت وِچ کھلی کے اِس زمانے نے لوکاں کی مُجرم آخسی، کِیئانکہ او حضرت سلیمان کولوں حِکمت نی تعلِیم سُݨنے واسطے بہُوں دُوروں آئی سی۔ پر تکو! اِتھے تے او اَے جِس نا مُقام حضرت سلیمان کولوں وی بڑا اَے۔