اِنجِیل شریف (لُوقا) 11:1 - Mirpuri-Pahari Bible

¹ اِک واری اِسرح ہویا کہ حضرت عِیسیٰ کُسے جغہ دُعا پئے کرنے سݨ۔ جِس ویلے اُنہاں دُعا ختم کِیتی، تے اُنہاں نے صحابیاں وِچوں اِک صحابی اُنہاں کی آخیا، ”حضُور! جِس طرح حضرت یحییٰ اپݨے پَیروکاراں کی دُعا کرنا سِخایا اَے، تُساں وی اَساں کی سِخاؤ!“

اِنجِیل شریف (لُوقا) 11:1 ပူးပေါင်းရင်းမြစ်များ

اِنجِیل شریف (لُوقا) 10:42

پر ضرُوری گل تے اِک ہی اَے جِسی مَریم چُݨیا اَے۔ اِس کی حاصل کرنے تُوں بعد کوئی اِس کولوں کِہنی نی سکݨا!“

اِنجِیل شریف (لُوقا) 11:2

حضرت عِیسیٰ اُنہاں کی آخیا، ”جِس ویلے تُساں دُعا کرو تے اِسرح آخیا کرو، ’اَے باپ، تُہاڑے پاک ناں نی عِزت ہووے۔ تُہاڑی بادشاہی اچھَے۔

اِنجِیل شریف (لُوقا) 6:12

اُنہاں دیہاڑیاں وِچ اِک واری حضرت عِیسیٰ اِک پہاڑ اپر دُعا کرنے واسطے گئے، تے پُوری رات دُعا کرنے رہے۔

اِنجِیل شریف (لُوقا) 7:13

اُس مائی کی تکی کے حضرت عِیسیٰ کی ترس آیا تے اُنہاں فرمایا، ”رو ناں!“

اِنجِیل شریف (لُوقا) 7:19

تے اُنہاں کی حضرت عِیسیٰ کول اے گل پُچھݨے واسطے پہیجیا کہ، ”اچھݨے آلے مسِیح تُساں ہی او؟ یا اَساں کُسے دُوئے نا اِنتظار کراں؟“

اِنجِیل شریف (لُوقا) 9:18

اِک دیہاڑے اِسرح ہویا کہ حضرت عِیسیٰ کہلے دُعا کرنے سݨ تے اُنہاں نے صحابی اُنہاں نے نیہڑے سݨ - فِر حضرت عِیسیٰ اُنہاں کولوں پُچھیا، ”لوک مہاڑے بارے وِچ کَے آخݨے اݨ کہ میں کُݨ آں؟“

اِنجِیل شریف (لُوقا) 9:28

اِنہاں گلاں تُوں تقریباً اَٹّھاں دیہاڑیاں بعد اِسرح ہویا کہ حضرت عِیسیٰ اپݨے نال حضرت پَطرس، حضرت یُوحنّا تے حضرت یعقُوب کی ہِݨی کے اِک پہاڑ اپر دُعا کرنے واسطے گئے۔