اِنجِیل شریف (لُوقا) 1:7 - Mirpuri-Pahari Bible

⁷ او دوئے بُڈّھے ہوئی گئے سݨ، پر اُنہاں نی اولاد نی سی، کِیئانکہ بی بی اَلیشبَع بانجھ سی۔

اِنجِیل شریف (لُوقا) 1:7 ပူးပေါင်းရင်းမြစ်များ

توریت شریف: پَیدایش 17:17

فِر حضرت اِبراہِیم سِر سجدے وِچ سٹیا، تے ہسی کے دِلے وِچ آخݨ لغے، ”سو سال نے بُڈھے نا وی مُنڈا جمی سکݨا؟ تے سارہ جیہڑی نَوے سالاں نی اے، اُس نی اُولاد کُتھوں جمسی؟

توریت شریف: پَیدایش 18:11

تے حضرت ابراہیم تے بی بی سارہ ہُݨ بہُوں ہی بُڈھے ہوئی گئے سݨ، تے بی بی سارہ زیادہ بڈھے ہوݨے نی وجہ نال بچہ جمݨنے نے قابل نی سݨ۔

توریت شریف: پَیدایش 25:21

حضرت اسحاق اپݨے کہری آلی واسطے رب اگے دُعا کیتی، کِیئانکہ او بانج سی. رب اُنہاں نی دعا منظور کیتی، تے بی بی رِبقہؑ حاملہ ہوئی۔

توریت شریف: پَیدایش 30:1

جس ویلے بی بی راخِل تکیا کہ حضرت یعقُوب کولوں مہاڑی کوئی اولاد نی جمی، تے اُنہاں اپݨی پہیݨوں نال بخیلی کیتی. او حضرت یعقُوب کی آخݨ لغی، ”مِکی وی اولاد دے! نی، تے میں مری جاساں!“

اِنجِیل شریف (لُوقا) 1:5

جیہڑے زمانے وِچ يھُوديہ مُلخے نا بادشاہ ہَیرودیس ہوݨا سی، اُس ویلے حضرت زکریاہ بڑے عِبادت خانے نے مذہبی پیشوا ہوݨے سݨ۔ او حضرت مُوسیٰ نے پَہرآ حضرت ہارُون نی نَسل وِچوں جناب اَبیاہ نے مذہبی پیشوانواں نے گروہ وِچ سݨ۔ حضرت زکریاہ نی بِیوی نا ناں بی بی اَلیشبَع سی۔ او وی حضرت ہارُون نی نَسل وِچوں سی۔

اِنجِیل شریف (لُوقا) 1:6

حضرت زکریاہ تے اُنہاں نی بِیوی دوئے پرہیزگار سݨ، تے او بہُوں خلُوص نال اللّٰہ تعالیٰ نی شرِیعت اپر چلݨے سݨ۔

اِنجِیل شریف (لُوقا) 1:8

اِک واری اِسرح ہویا کہ بڑے عِبادت خانے وِچ اللّٰہ تعالیٰ نے حضُور خِدمت کرنے واسطے حضرت زکریاہ نے خاندان نی واری آئی،