اِنجِیل شریف (لُوقا) 1:6 - Mirpuri-Pahari Bible

⁶ حضرت زکریاہ تے اُنہاں نی بِیوی دوئے پرہیزگار سݨ، تے او بہُوں خلُوص نال اللّٰہ تعالیٰ نی شرِیعت اپر چلݨے سݨ۔

اِنجِیل شریف (لُوقا) 1:6 ပူးပေါင်းရင်းမြစ်များ

توریت شریف: پَیدایش 17:1

جس ویلے حضرت ابرام نَنِنَوے سالاں نے ہوئے، اُس ویلے رب اُنہاں پر ظاہر ہویا تے آخیا، ”میں اللّٰہ قادرِ مطلق آں۔ مہاڑے مُطابق زِندگی گُزار، تے بے اِلزام رہو۔

توریت شریف: پَیدایش 6:9

حضرت نُوح نا قصہ اے اَے۔ حضرت نُوح اِک چنگے تے راستباز بندے سݨ، تے اپݨے زماݨے نیاں لوکاں وِچ صِرف او ہی اِک نیک بندے سݨ۔ او قُربِ اِلٰہی وِچ رہݨے سݨ۔

توریت شریف: پَیدایش 7:1

فِر رب حضرت نُوح کی آخیا، ”تُوں اپݨے سارے خاندانے سمیت کشتی وِچ بہی جا، کِیئانکہ تُوں ہی مِکی اِس زماݨے نیاں لوکاں وِچ اِک راستباز نظر آیا ایں۔

اِنجِیل شریف (لُوقا) 1:7

او دوئے بُڈّھے ہوئی گئے سݨ، پر اُنہاں نی اولاد نی سی، کِیئانکہ بی بی اَلیشبَع بانجھ سی۔

اِنجِیل شریف (لُوقا) 16:15

حضرت عِیسیٰ اُنہاں کی آخیا، ”تُساں اُنہاں لوکاں وِچوں او جیہڑے لوکاں نے سامݨے تے اپݨے آپ کی بہُوں نیک ثابت کری کِہننے اݨ، پر اللّٰہ تعالیٰ تے تُساں نی اَصلیّت کی بہُوں چَنگی طرح سمجھݨا اَے۔ کِیئانکہ جیہڑیاں چِیزاں نی اِنسان نی نَظر وِچ اہمیّت ہوݨی اَے، اللّٰہ تعالیٰ نی نَظر وِچ او چِیزاں قابِل ِ نفرت اݨ۔

اِنجِیل شریف (لُوقا) 2:25

اُنہاں دیہاڑیاں نے دوران یرُوشلم شہر وِچ اِک بزُرگ سݨ جِنہاں نا ناں شمعُون سی۔ او بہُوں نیک تے پرہیزگار بزُرگ سݨ۔ او وی اِس اِنتظار وِچ سݨ کہ اللّٰہ تعالیٰ بنی اِسرائیل کول غُناہواں تُوں نجات دیݨے آلے کی کدُوں پہیجسی۔ او رُوحِ پاک نال پہرے وے سݨ،