اِنجِیل شریف (لُوقا) 1:55 - Mirpuri-Pahari Bible

⁵⁵ جیہڑا اُس اَساں نے باپ دادیاں نال کِیتا، کہ او حضرت اِبراہِیم تے اُس نی نسل نال ہمیشہ تک رحمت کرسی۔“

اِنجِیل شریف (لُوقا) 1:55 ပူးပေါင်းရင်းမြစ်များ

توریت شریف: پَیدایش 12:3

جیہڑے تُکی مبارک دیسݨ، اُنہاں کی میں برکت دیساں. تے جیہڑا تُہاڑے پر لعنت پہیجسی، اُس اپر میں لعنت پہیجساں. تے دُنیا اپر ساریاں قوماں تہاڑے وسیلے نال برکت کِہنسݨ۔“

توریت شریف: پَیدایش 17:19

اللّٰہ تعالیٰ آخیا، ”کوئی شک نی کہ تُہاڑی کہرے آلی سارہ مُنڈا جمسی، تے تُوں اُس نا ناں اِسحاق رخیاں. میں اُس نال تے اُس نی اولادی نال اپݨا عہد، جیہڑا ابدی عہد اَے، قائم رخساں.

توریت شریف: پَیدایش 17:7

میں تہاڑے نال تے تہاڑے تُوں بعد تُہاڑیاں نسلاں نال بلکہ اِنہاں نیاں ساریاں پُشتاں نال، اپݨا ابدی عہد کرساں. یعنی، میں تہاڑا تے تہاڑے بعد تُہاڑیاں نسلاں نا خُدا ہوساں۔

توریت شریف: پَیدایش 22:18

تے تُہاڑیاں نسلاں نے وسیلے نال دُنیا نیاں ساریاں قوماں برکت کِہنسݨ، کِیئانکہ تُوں مہاڑی گل مَنی اے۔“

توریت شریف: پَیدایش 26:4

میں تُہاڑی اولاداں کی اِتنا بدھاساں جِس طرح آسمانے نے تارے اݨ، تے اے سارا مُلخ اُنہاں کی دیساں، تے دُنیا نیاں ساریاں قوماں تُہاڑی اولاداں نے وسیلے نال برکت کِہنسݨ.

توریت شریف: پَیدایش 28:14

تُہاڑی نسل زِیمی اپر مٹی نے ذریاں نی طرح ہوسی، تے تُوں مشرق، مغرب، شمال تے جنوب تک پھیلی جاسیں. دُنیا نے سارے قبیلے تُہاڑے تے تُہاڑی نسلاں نے ذریعے برکت کِہنسݨ۔

اِنجِیل شریف (لُوقا) 1:54

اُس اپݨی خِدمت کرنے آلی بنی اِسرائیلی قوم نی مدد کِیتی اے، کِیئاںکہ اُسی اپݨا او وعدہ یاد اَے،

اِنجِیل شریف (لُوقا) 1:56

فِر اِسرح ہویا کہ بی بی مَریم ، ترَے مہِیݨے بی بی اَلیشبَع کول رہی۔ اُس تُوں بعد او واپس اپݨے کہار ٹُری گئی۔