اِنجِیل شریف (لُوقا) 1:48 - Mirpuri-Pahari Bible

⁴⁸ کِیئاںکہ اُس، میں مسکِین اپر اپݨی مِہربانی کِیتی اَے۔ ہر زمانے آلے لوک مِکی مُبارک آخسݨ،

اِنجِیل شریف (لُوقا) 1:48 ပူးပေါင်းရင်းမြစ်များ

توریت شریف: پَیدایش 30:13

تاں بی بی لیاہ آخیا، ”میں خوش نصیب آں! زناݨیاں مِکی آخسݨ کہ توں خوش نصیب ایں!“ تے فِر اُنہاں اُس پترے نا ناں آشر یعنی ”خوش نصیب“ رکھیا۔

اِنجِیل شریف (لُوقا) 1:28

فرِشتے حضرت مَریم کول جائی کے آخیا، ”السلامُ علیکُم! تہاڑے اپر اللّٰہ تعالیٰ نا فضل ہوئی گیا، تے او ہی تُہاڑا مُحافِظ اَے۔“

اِنجِیل شریف (لُوقا) 1:42

اُس بی بی مَریم کی اُچّی آواز وِچ آخیا، ” تُوں جناݨیاں وِچوں خُوش بخت ایں، تے او بچّہ وی خُوش بخت اے جیہڑا تہاڑے تُوں پیدا ہوسی۔

اِنجِیل شریف (لُوقا) 1:45

تُوں بہُوں خُوش بخت ایں، کِیئانکہ تُوں یقِین کِیتا کہ او ساریاں گلاں پُوریاں ہوسݨ جیہڑیاں اللّٰہ تعالیٰ تُکی دسیاں سݨ۔“

اِنجِیل شریف (لُوقا) 1:49

کِیئاںکہ طاقت آلے اللّٰہ مہاڑے واسطے بڑے بڑے کم کِیتے اݨ۔ اُس نا ناں پاک اَے۔

اِنجِیل شریف (لُوقا) 11:27

حضرت عِیسیٰ اے گلاں پئے کرنے ہی سݨ کہ لوکاں وِچوں اِک جناݨی اُچّی آواز وِچ آخیا، ”خُوش نصیب اَے تُکی جمݨے آلی تے جِس تُکی اپݨا دُدھ پیالیا!“