اِنجِیل شریف (لُوقا) 1:36 - Mirpuri-Pahari Bible

³⁶ تُہاڑی رِشتہ دار بی بی اَلیشبَع وی چھیاں مہینیاں تُوں حاملہ ہوئی وی اَے، حالانکہ او بُڈھی وی اَے، تے لوک اُس کی بانجھ وی آخݨے سݨ۔

اِنجِیل شریف (لُوقا) 1:36 ပူးပေါင်းရင်းမြစ်များ

توریت شریف: پَیدایش 11:30

تے بی بی ساری بانجھ سی، اِس واسطے اُس نے بچے نی سݨ.

توریت شریف: پَیدایش 16:1

ہالے تک حضرت ابرام نی بیوی بی بی ساری کی کوئی اولاد نی سی ہوئی. پر بی بی ساری نی اِک مصری لُونڈی سی جس نا ناں بی بی ہاجرہ سی.

توریت شریف: پَیدایش 18:11

تے حضرت ابراہیم تے بی بی سارہ ہُݨ بہُوں ہی بُڈھے ہوئی گئے سݨ، تے بی بی سارہ زیادہ بڈھے ہوݨے نی وجہ نال بچہ جمݨنے نے قابل نی سݨ۔

توریت شریف: پَیدایش 21:2

او حاملہ ہوئی۔ حضرت اِبراہِیم نے کہار اُنہاں نی بُڈی عمر وِچ اللّٰہ تعالیٰ نے مقرر کِیتے وے ٹیم پر پُتر جمیا۔

اِنجِیل شریف (لُوقا) 1:35

فرِشتے جواب دِتا، ”رُوحِ پاک تہاڑے اپر اُترسی، تے اللّٰہ تعالیٰ نی قُدرت تہاڑے اپر ظاہر ہوسی۔ اِس واسطے اُس پاک بچّے کی ’اللّٰہ تعالیٰ نا پُتر‘ آخیا جاسی۔

اِنجِیل شریف (لُوقا) 1:37

اللّٰہ تعالیٰ اَگے، کُجھ وی نامُمکن نی۔“

اِنجِیل شریف (لُوقا) 1:5

جیہڑے زمانے وِچ يھُوديہ مُلخے نا بادشاہ ہَیرودیس ہوݨا سی، اُس ویلے حضرت زکریاہ بڑے عِبادت خانے نے مذہبی پیشوا ہوݨے سݨ۔ او حضرت مُوسیٰ نے پَہرآ حضرت ہارُون نی نَسل وِچوں جناب اَبیاہ نے مذہبی پیشوانواں نے گروہ وِچ سݨ۔ حضرت زکریاہ نی بِیوی نا ناں بی بی اَلیشبَع سی۔ او وی حضرت ہارُون نی نَسل وِچوں سی۔