اِنجِیل شریف (لُوقا) 1:32 - Mirpuri-Pahari Bible

³² اُس نا رُتبہ بُلند ہوسی، تے اُس نا لقب ’اللّٰہ تعالیٰ نا پُتر‘ ہوسی۔ اللّٰہ تعالیٰ اُس کی حضرت داؤد نا تخت دیسی، جِنہاں نی ہی نسل وِچوں اے ہوسی۔

اِنجِیل شریف (لُوقا) 1:32 ပူးပေါင်းရင်းမြစ်များ

اِنجِیل شریف (لُوقا) 1:15

اللّٰہ تعالیٰ نی نظر وِچ او بچّہ بہُوں عِزت آلا ہوسی، تے اُس کی ساری زِندگی وِچ انگُوراں نی شراب يا کوئی ہور شراب، نی پِیݨی چاہی نی۔ تے او پیدائِش تُوں ہی رُوحِ پاک نال رنگیا ہوسی۔

اِنجِیل شریف (لُوقا) 1:35

فرِشتے جواب دِتا، ”رُوحِ پاک تہاڑے اپر اُترسی، تے اللّٰہ تعالیٰ نی قُدرت تہاڑے اپر ظاہر ہوسی۔ اِس واسطے اُس پاک بچّے کی ’اللّٰہ تعالیٰ نا پُتر‘ آخیا جاسی۔

اِنجِیل شریف (لُوقا) 1:76

”اَے مہاڑے بچّے، تُکی اللّٰہ تعالیٰ نا نبی آخیا جاسی، کِیئانکہ تُوں ربّ تُوں پہلے ٹُری کے اُس نا راہ تیار کرسیں۔

اِنجِیل شریف (لُوقا) 3:16

پر حضرت یحییٰ اُنہاں کی آخیا، ”میں تے تُساں کی صِرف پاݨِیئے نال پاک غُسل کراݨا آں۔ لیکِن او جیہڑا اچھݨے آلا اَے، او مہاڑے تُوں رُتبے وِچ اِتنا بڑا اَے کہ میں اُس نیاں جُتیاں نے تسمے کھولݨے نے قابل وی ناں۔ او تُساں کی رُوحِ پاک تے آگی نال پاک غُسل کراسی۔

اِنجِیل شریف (لُوقا) 6:35

اِس واسطے میں تُساں کی اے گل آخݨا آں کہ اپݨے دُشمݨاں نال وی مُحبّت کرو، اُنہاں نال پَہلائی کریا کرو، تے اُنہاں کی قرضہ دیݨے ویلے واپسی نا ناں سوچیا کرو۔ اِس چِیز نا اَجر تُساں کی بہُوں لبھسی، تے تُساں اللّٰہ تعالیٰ نے پیارے بندیاں وِچ شامل ہوئی جاسو، کِیئانکہ اللّٰہ تعالیٰ تے اُنہاں اپر وی مہربانیاں کرنا اَے جیہڑے اُس نی شُکر گزاری نی کرنے، تے جیہڑے ہمیشہ غُناہ نی دَلدَل وِچ پَھسّے رہݨے اݨ۔