اِنجِیل شریف (لُوقا) 1:20 - Mirpuri-Pahari Bible

²⁰ اے ساریاں گلاں تے اپݨے مُقرر کَردہ وقت اپر ضرُور پُوریاں ہوسݨ۔ پر نِشانی نے طور اپر تُہاڑی زبان اُس ویلے تک بند رَہسی تے تُوں بولی ناں سکسیں، کِیئانکہ تُوں مہاڑی گلے اپر یقِین نی کِیتا۔“

اِنجِیل شریف (لُوقا) 1:20 ပူးပေါင်းရင်းမြစ်များ

اِنجِیل شریف (لُوقا) 1:19

فرِشتے جواب دِتا، ”میں جِبرائیل آں، جیہڑا اللّٰہ تعالیٰ نی خِدمت وِچ حاضر رہݨا آں۔ مِکی اللّٰہ تعالیٰ آپوں تہاڑے کول پہیجیا اَے، تانکہ تُکی اے خُوشخبری دیاں تے اے ساریاں گلاں دسی شوڑاں۔

اِنجِیل شریف (لُوقا) 1:21

اِس دوران لوک باہر کھلتے وے زکریاہ نا اِنتظار کرنے سݨ، تے بہُوں حَیران سݨ کہ اُنہاں بڑے عِبادت خانے نے اندر اِتنی دیر کِیئاں لائی شوڑی اَے۔

اِنجِیل شریف (لُوقا) 1:22

جیہڑے ویلے زکریاہ اُتھوں باہر نِکلے، تے او بِلکُل بولی نی سکݨے سݨ۔ اُنہاں اِشارے نال گل سمجھاݨے نی کوشِش کِیتی سی۔ اِس واسطے لوک سمجھی گئے کہ بڑے عِبادت خانے وِچ زکریاہ کی فرِشتے نا دِیدار ہویا وَے۔

اِنجِیل شریف (لُوقا) 1:45

تُوں بہُوں خُوش بخت ایں، کِیئانکہ تُوں یقِین کِیتا کہ او ساریاں گلاں پُوریاں ہوسݨ جیہڑیاں اللّٰہ تعالیٰ تُکی دسیاں سݨ۔“

اِنجِیل شریف (لُوقا) 1:64

فِر اِسرح ہویا کہ اُسے ویلے اِک دم حضرت زکریاہ نی زبان کُھلی گئی، تے او ٹھِیک ٹھاک بولݨ لغی پئے۔ اُنہاں اللّٰہ تعالیٰ نا شُکر ادا کِیتا، تے اُس نی حمد و ثنا کرݨ لغی پئے۔