اِنجِیل شریف (لُوقا) 1:15 - Mirpuri-Pahari Bible

¹⁵ اللّٰہ تعالیٰ نی نظر وِچ او بچّہ بہُوں عِزت آلا ہوسی، تے اُس کی ساری زِندگی وِچ انگُوراں نی شراب يا کوئی ہور شراب، نی پِیݨی چاہی نی۔ تے او پیدائِش تُوں ہی رُوحِ پاک نال رنگیا ہوسی۔

اِنجِیل شریف (لُوقا) 1:15 ပူးပေါင်းရင်းမြစ်များ

توریت شریف: پَیدایش 12:2

میں تہاڑے وِچوں بڑی قوم بݨاساں، تُکی برکت دیساں، تے تُہاڑا ناں بڑا کرساں، تانکہ توں برکت نا ذریعہ بݨیں۔

توریت شریف: پَیدایش 48:19

پر اُنہاں نے پیؤ ناں مَنیا تے آخیا، «اے مہاڑیا پُترا! مِکی پتہ اے. مِکی پتہ اے. اِس کولوں وی اِک قوم پیدا ہوسی تے اے وی بڑا بݨسی. پر اِس نا نِکا پہرآ اِس کولوں بہُوں ہی بڑا ہوسی، کِیئانکہ اِس نی نسلاں وِچوں بہُوں قوماں ہوسݨ۔»

اِنجِیل شریف (لُوقا) 1:14

تُکی اللّٰہ تعالیٰ بڑی خُوشی دیسی، تے ہور بہُوں سارے لوک وی اُس نی پیدائِش اپر خُوش ہوسݨ۔

اِنجِیل شریف (لُوقا) 7:28

یاد رخو کہ دُنیا وِچ اَج تک جِتنے اِنسان وی پیدا ہوئِݨ، اُنہاں وِچوں حضرت یحییٰ تُوں بڑا درجہ کُسے نا وی نی۔ پر اُنہاں لوکاں نا درجہ جیہڑے مہاڑے اپر اِیمان آݨنے اݨ، حضرت یحییٰ کولوں وی بڑا ہوسی۔“

اِنجِیل شریف (لُوقا) 7:33

کِیئانکہ حضرت یحییٰ ناں تے بہُوں زیادہ کھاݨے سݨ، تے ناں ہی انگُوراں نی شراب پِیݨے سݨ۔ تے تُساں آخݨے او، ’اِس وِچ کوئی جِنّ اَے‘۔