توریت شریف: پَیدایش 9:2 - Mirpuri-Pahari Bible

² سارے جانور، پرندے، زِیمی پر رِینگݨے آلے جانور تے مچھلیاں تُساں کولوں ڈری کے رہسݨ. میں اِنہاں ساریاں کی تُساں نے قابُو وِچ دیئی شوڑیا اے.

توریت شریف: پَیدایش 9:2 ပူးပေါင်းရင်းမြစ်များ

توریت شریف: پَیدایش 1:21

اِسے طرح اللّٰہ تعالیٰ بڑیاں مَچھیاں، پاݨِیئے وِچ رہݨے آلیاں ہر قسم نیاں چِیزاں، تے ہر قسم نے پرندے بݨائے. اللّٰہ تعالیٰ تکیا کہ اے چنگا اے.

توریت شریف: پَیدایش 1:26

فِر اللّٰہ تعالیٰ آخیا، ”ہُݨ میں انسان کی بݨاں، جہیڑا مہاڑے اَر ہوسی. تے او مچھیاں پر، پرندیاں پر، مال ڈنگراں پر، جنگلی جانوراں پر، تے زِیمی پر سارے رینگݨے آلے جانداراں پر حکومت کرے۔“

توریت شریف: پَیدایش 1:28

اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 2:19

رب تعالیٰ اِنسان کول او سارے جانور تے سارے پرندے کِہنی آیا جیہڑے اُس مٹی نال بݨائے سݨ، تانکہ پتہ لغے کہ اِنسان اِنہاں نے کَے ناں رخݨا. اِس طرح ہر جانور تے پرندے کی اِنسان نی طرفوں ناں لبھی گیا.

توریت شریف: پَیدایش 35:5

فِر او اُتھوں ٹُری گئے، تے آسے پاسے نے شہراں نے لوکاں پر اِتنا زیادہ رُعب پئی گیا کہ اُنہاں حضرت یعقُوب نیاں پُتراں نا پِچھا نی کِیتا۔

توریت شریف: پَیدایش 9:1

فِر اللّٰہ تعالیٰ حضرت نُوح کی تے اُنہاں نیاں پتراں کی برکت دتی تے آخیا، ”تُساں پھلو پھُولو، بدھو تے زِیمی پہرو۔

توریت شریف: پَیدایش 9:3

جس طرح میں تُساں نے کھاݨے واسطے پودیاں نی پیداوار مقرر کیتی، اِسے طرح ہُݨ تُوں تُساں کی ہر قسم نے جانور کھاݨے نی اجازت وی اے.