توریت شریف: پَیدایش 9:1 - Mirpuri-Pahari Bible

¹ فِر اللّٰہ تعالیٰ حضرت نُوح کی تے اُنہاں نیاں پتراں کی برکت دتی تے آخیا، ”تُساں پھلو پھُولو، بدھو تے زِیمی پہرو۔

توریت شریف: پَیدایش 9:1 ပူးပေါင်းရင်းမြစ်များ

توریت شریف: پَیدایش 1:22

اُس اُنہاں کی برکت دِتی، تے سمندرے نیاں جانوراں کی آخیا، ”پھلو پھُولو تے تعداد وِچ بدھݨے جاؤ! سمندر تُساں نال پہرݨ جائے!“ اُس پرندیاں کی وی آخیا، ”تعداد وِچ بدھی جاؤ۔“

توریت شریف: پَیدایش 1:28

اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 10:32

اے سارے اپݨیاں اپݨیاں نسلاں تے اپݨیاں اپݨیاں قوماں نے مطابق حضرت نُوح نے پتراں نے قبیلے اݨ. سیلاب تُوں بعد اِنہاں قبیلیاں تُوں ساریاں قوماں پُوری دُنیا وِچ پھیلی گیاں۔

توریت شریف: پَیدایش 2:3

اُس سَتویں دیہاڑے کی برکت دِتی تَے اُس کی مقدس بݨایا، کِیئانکہ او اُس دیہاڑے اپݨے سارے کماں کولوں بہیلا ہوئی گیا سی۔

توریت شریف: پَیدایش 24:60

اُنہاں رِبقہ کی دُعاواں دِتیاں، ”تُہاڑی نسل لکھاں تے کروڑاں ہووے، تے او اپݨے دُشمݨاں پر فتح حاسل کرے!»

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 8:17

ساریاں پرندیاں، جانوراں تے رینگݨے آلیاں جانوراں کی وی باہر کہنی آ جیہڑے تہاڑے نال اݨ، تاکہ او زِیمی پر رہݨ تے پھلݨ پھُولݨ۔“

توریت شریف: پَیدایش 9:19

اے تہرے حضرت نُوح نے پُتر سݨ جنہاں نی نسل زِیمی پر پھیلی گئی۔

توریت شریف: پَیدایش 9:2

سارے جانور، پرندے، زِیمی پر رِینگݨے آلے جانور تے مچھلیاں تُساں کولوں ڈری کے رہسݨ. میں اِنہاں ساریاں کی تُساں نے قابُو وِچ دیئی شوڑیا اے.

توریت شریف: پَیدایش 9:7

پر تُساں پھلو پھُولو تے خوب بدھو، زِیمی اپر اپݨی نسل بدھاؤ، تے بہُوں ہوئی جاؤ۔“