توریت شریف: پَیدایش 8:21 - Mirpuri-Pahari Bible

²¹ رب قربانیاں نی خوشبو تُوں خوش ہویا، تے اپݨے دِلے وِچ آخیا، ”ہُݨ میں انساناں نی وجہ نال کدے وی زِیمی پر لعنت ناں پہیجݨ لغا، حالاںکہ انساناں نا دِل نِکی عمر تُوں ہی خراب اے. تے ساریاں جانداراں کی جِس طرح میں ہُݨ ماریا، کدے ناں مارݨ لغا.

توریت شریف: پَیدایش 8:21 ပူးပေါင်းရင်းမြစ်များ

توریت شریف: پَیدایش 3:17

فِر رب تعالیٰ بندے کی آخیا، ”تُوں اپݨی زناݨی نی گل منی کے اُس درخت نا پھل کھادا، جس تُوں میں تُکی منع کِیتا سی. اِس واسطے ساری زِیمی تہاڑی وجہ نال لعنتی ہوسی، تے تُوں ساری عمر محنت مشقت نی پیداوار کھاسیں۔

توریت شریف: پَیدایش 4:12

جس ویلے تُوں زِیمی پر کھیتی باڑی کرسیں، تے او تُکی فصل نہ دیسی، تے پُوری دُنیا وِچ تُوں اِدھر اُدھر نیاں ٹھوکراں کھاسیں۔“

توریت شریف: پَیدایش 5:29

جِس نا ناں اُس نُوح یعنی “آسانی“ رخیا. اُس آخیا، ”اساں نا کھیتی باڑی نا کم بہُوں ڈاڈھا اے، کِیئانکہ خُدا زمِیں پر لعنت پیہجی وی. پر ہُݨ اساں اِس پُترے نی وجہ نال سوخے ہوئی جاساں.“

توریت شریف: پَیدایش 6:13

اِس واسطے اللّٰہ تعالیٰ حضرت نُوح کی آخیا، ”میں ساریاں لوکاں کی ختم کرنے نا فیصلہ کیتا، کِیئانکہ پُوری دنیا ظلم و تشدد نال پہرݨ گئی اے۔ میں اُنہاں کی زِیمی سمیت بِلکل تباہ کری شوڑساں.

توریت شریف: پَیدایش 6:17

میں اِتنا بڑا سیلاب پیہجساں کہ او زِیمی نے سارے جانداراں کی ماری شوڑسی. زِیمی پر سب کج فنا ہوئی جاسی۔

توریت شریف: پَیدایش 6:5

رب تکیا کہ دُنیا وِچ انساناں نے غُناہ بہُوں ہوئی گئے اݨ، تے اُنہاں نیاں سوچاں تے خیال لگاتار صِرف پہیڑے ہی اݨ.

توریت شریف: پَیدایش 6:7

اُس آخیا، ”جہیڑے میں اِنسان بݨائے سݨ میں اُنہاں ساریاں کی، زِیمی پر رینگݨے آلے تے ٹُرنے آلے جانوراں تے پرندیاں سمیت، ختم کری شوڑساں. میں پَچھتاݨا آں کہ میں اُنہاں کی بݨایا سی.“