توریت شریف: پَیدایش 8:20 - Mirpuri-Pahari Bible

²⁰ فِر حضرت نُوح رب واسطے اِک قربانی دیݨے آلی جغہ بݨائی، تے حلال جانوراں تے پرندیاں وِچوں کُج کُج کہنی کے رب اگے قربانی دیئی کے پُوری طرح ساڑی شوڑیا۔

توریت شریف: پَیدایش 8:20 ပူးပေါင်းရင်းမြစ်များ

توریت شریف: پَیدایش 13:18

فِر حضرت ابرام اپݨا ڈیرا پَٹیا، تے حبرون وِچ جائی کے ممرے نے بڑے درختاں کول رہݨ لغے، تے فِر اُتھے رب واسطے اِک قربانی دیݨے آلی جغہ بݨائی۔

توریت شریف: پَیدایش 13:4

اے او ہی جغہ سی جتھے شروع وِچ اُنہاں قربانی دیݨے آلی جغہ بݨائی سی. فِر اُتھے حضرت ابرام رب نی عبادت کِیتی۔

توریت شریف: پَیدایش 22:2

فِر اللّٰہ تعالیٰ آخیا، ”تُوں اپݨے کَہلے پُترے اسحاق کی، جِس کی تُوں بہُوں پیار کرݨا ایں، نال کہنی کے موریاہ نے علاقے وِچ جا. اُتھے پہاڑاں وِچ اِک پہاڑ پر جیہڑا میں تُکی دَسساں، پُترے نی قربانی چائی دے.“

توریت شریف: پَیدایش 22:9

ٹُرنے ٹُرنے او اُس جغہ پر پُہنچے جیہڑی اللّٰہ تعالیٰ حضرت اِبراہِیم پر دسّی سی. اُنہاں اُتھے قربانی دیݨے آلی اِک جغہ بݨائی، تے لکڑیاں ترتِیب نال رخیاں. فِر اُنہاں اِسحاق کی بنی کے قربانی دیݨے آلی جغہ پر رخی شوڑیا،

توریت شریف: پَیدایش 26:25

فِر حضرت اسحاق اُتھے اِک قربانی دیݨے آلی جغہ بݨائی تے رب نی عِبادت کیتی. تے اتھے اپݨا ڈیرہ لایا، تے اُنہاں نیاں نوکراں اِک کھُوہ وی کھُݨیا۔

توریت شریف: پَیدایش 33:20

اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل اِلہ اسرائیل“ رخیا، یعنیٰ ”خُدا اسرائیل نا خُدا“۔

توریت شریف: پَیدایش 35:1

فِر اللّٰہ تعالیٰ حضرت یعقُوب کی آخیا، ”تُوں ہُݨ ہی بیت ایل در جا، تے اُتھَے جائی کے بس. تے اُتھَے مہاڑے واسطے اِک قربانی دیݨے آلی جغہ بݨا، میں جیہڑا اُس ویلے تہاڑے پر ظاہر ہویا ساں جدوں تُوں اپݨے پہراؤ اِیسَو کولوں نسݨا پیا سیں۔“

توریت شریف: پَیدایش 35:7

اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل بیت ایل“ مطلب ”بیت ایل نا خُدا“ رخیا، کِیئانکہ جس ویلے او اپݨے پہراؤ کولوں نسݨے پئے سݨ تے اللّٰہ تعالیٰ اُتھے ہی اُنہاں پر ظاہر ہویا سی۔

توریت شریف: پَیدایش 4:4

فِر ہابیل اپݨیاں پہڈاں تے بکریاں نے پہلے جمے وے بچّے نا چنگا گوشت رب کی پیش کِیتا. رب ہابیل تے اُس نا ہدیہ قبول کِیتا،

توریت شریف: پَیدایش 7:2

ساریاں حلال جانوراں وِچوں ست ست نر تے اُنہاں نیاں مادیاں، تے جیہڑے حلال نی، اُنہاں وِچوں دو دو نر تے مادیاں، کشتی وِچ کہنی آ۔

توریت شریف: پَیدایش 7:3

تے پرندیاں وِچوں وی ست ست نر تے مادیاں آݨ، تانکہ زِیمی اپر اُنہاں نی نسل باقی رہے۔

توریت شریف: پَیدایش 8:19

سارے جانور، رینگݨے آلے جانور، تے پرندے اپݨی اپݨی قسماں نیاں ٹولیاں وِچ کشتی تُوں باہر نکلی آئے۔