توریت شریف: پَیدایش 7:4 - Mirpuri-Pahari Bible

⁴ ستاں دیہاڑیاں تُوں بعد میں چالیاں دیہاڑیاں تے چالیاں راتاں تک بارِش برساساں، تے ہر جاندار کی میں زِیمی تُوں مُکاساں جیہڑے میں پیدا کِتے اݨ۔“

توریت شریف: پَیدایش 7:4 ပူးပေါင်းရင်းမြစ်များ

توریت شریف: پَیدایش 2:5

تے شروع وچ چہاڑیاں تے بُوٹے ہالے نی جمے سݨ. وجہ اے سی کہ رب تعالیٰ بارش نا انتظام نی کیتا سی، تے ہالے انسان وی پیدا نی ہویا سی کہ زِیمی پر کھیتی باڑی کرے۔

توریت شریف: پَیدایش 6:13

اِس واسطے اللّٰہ تعالیٰ حضرت نُوح کی آخیا، ”میں ساریاں لوکاں کی ختم کرنے نا فیصلہ کیتا، کِیئانکہ پُوری دنیا ظلم و تشدد نال پہرݨ گئی اے۔ میں اُنہاں کی زِیمی سمیت بِلکل تباہ کری شوڑساں.

توریت شریف: پَیدایش 6:17

میں اِتنا بڑا سیلاب پیہجساں کہ او زِیمی نے سارے جانداراں کی ماری شوڑسی. زِیمی پر سب کج فنا ہوئی جاسی۔

توریت شریف: پَیدایش 6:3

فِر رب آخیا، ”مہاڑی رُوح ہمیشہ واسطے اِنسان وِچ نی رہݨ لغی، کِیئانکہ او صِرف فانی مخلوق اے. ہُݨ تُوں بعد او 120 سالاں تُوں زیادہ جِیݨے نی رہݨ لغے.“

توریت شریف: پَیدایش 6:7

اُس آخیا، ”جہیڑے میں اِنسان بݨائے سݨ میں اُنہاں ساریاں کی، زِیمی پر رینگݨے آلے تے ٹُرنے آلے جانوراں تے پرندیاں سمیت، ختم کری شوڑساں. میں پَچھتاݨا آں کہ میں اُنہاں کی بݨایا سی.“

توریت شریف: پَیدایش 7:10

ستاں دیہاڑیاں تُوں بعد اِس طرح ہویا کہ سیلاب نا پاݨی زِیمی پر آئی گیا۔

توریت شریف: پَیدایش 7:12

تے چالی دیہاڑے تے چالی راتاں زِیمی پر بدل برھنا رہیا۔

توریت شریف: پَیدایش 7:17

چالیاں دیہاڑیاں تک سیلاب نا پاݨی زیادہ ہوݨا رہیا. پاݨی کشتی کی زِیمی تُوں اِتنا اُپر چائی کِہندا کہ کشتی تَرݨ لغی پئی۔

توریت شریف: پَیدایش 7:3

تے پرندیاں وِچوں وی ست ست نر تے مادیاں آݨ، تانکہ زِیمی اپر اُنہاں نی نسل باقی رہے۔

توریت شریف: پَیدایش 8:10

ہور ست دیہاڑے ٹھہری کے اُنہاں فِر کُہگی کشتی وِچوں اڈاری.

توریت شریف: پَیدایش 8:12

اُنہاں ہور ست دیہاڑے صبر کِیتا تے فِر کُہگی کی اڈاریا، پر اِس دفعہ او اُنہاں کول مُڑی کے نی آئی۔

توریت شریف: پَیدایش 8:2

زِیمی نیاں گہرائیاں وِچوں سارے چشمے تے آسماناں پر پاݨی نے در بند کیتے گئے، تے بارش ختم ہوئی گئی۔