توریت شریف: پَیدایش 7:14 - Mirpuri-Pahari Bible

¹⁴ ہر قسم نے جنگلی جانور، ہر قسم نے مال ڈنگر، ہر قسم نے زِیمی پر رینگݨے آلے جانور، تے ہر قِسم نے پرندے سارے اُنہاں نال سݨ۔

توریت شریف: پَیدایش 7:14 ပူးပေါင်းရင်းမြစ်များ

توریت شریف: پَیدایش 1:21

اِسے طرح اللّٰہ تعالیٰ بڑیاں مَچھیاں، پاݨِیئے وِچ رہݨے آلیاں ہر قسم نیاں چِیزاں، تے ہر قسم نے پرندے بݨائے. اللّٰہ تعالیٰ تکیا کہ اے چنگا اے.

توریت شریف: پَیدایش 1:24

فِر اللّٰہ تعالیٰ آخیا، ”زِیمی پر ٹُرنے آلا ہر قسم نا جاندار پَیدا ہوئی جائے: مال ڈنگر، زِیمی پر رینگݨے آلے تے جنگلی جانور!“ تَے فِر اِسے طرح ہی ہویا۔

توریت شریف: پَیدایش 6:19

فِر تُوں جانوراں نی ہر قسم نا اِک اِک جوڑا اپݨے نال کشتی وِچ رخیاں، تاکہ او تہاڑے نال جِیݨے رہݨ۔

توریت شریف: پَیدایش 7:13

اُسے دیہاڑے حضرت نُوح تے اُنہاں نی زناݨی، تے اُنہاں نے پتر سام، حام تے یافؑث، تے اُنہاں نیاں پتراں نیاں زناݨیاں کشتی وِچ بہی گئے۔

توریت شریف: پَیدایش 7:15

ساریاں جانداراں وِچوں دو دو حضرت نُوح کول اچھی کے کشتی وِچ بہی گئے۔