توریت شریف: پَیدایش 6:17 - Mirpuri-Pahari Bible

¹⁷ میں اِتنا بڑا سیلاب پیہجساں کہ او زِیمی نے سارے جانداراں کی ماری شوڑسی. زِیمی پر سب کج فنا ہوئی جاسی۔

توریت شریف: پَیدایش 6:17 ပူးပေါင်းရင်းမြစ်များ

توریت شریف: پَیدایش 2:7

فِر رب تعالیٰ زِیمی نی مِٹی نال انسان بݨایا، تے اُس وِچ زندگی نا ساہ بایا. اِس طرح بندہ جیݨا جی ہوئی گیا۔

توریت شریف: پَیدایش 6:13

اِس واسطے اللّٰہ تعالیٰ حضرت نُوح کی آخیا، ”میں ساریاں لوکاں کی ختم کرنے نا فیصلہ کیتا، کِیئانکہ پُوری دنیا ظلم و تشدد نال پہرݨ گئی اے۔ میں اُنہاں کی زِیمی سمیت بِلکل تباہ کری شوڑساں.

توریت شریف: پَیدایش 6:16

کشتی نی چھت اِس طرح بݨایاں کہ اُس نے تھلے ڈیڈ فُٹ نا گلہ ہووے. تے کشتی نے اِک پاسے دروازہ رخیاں، تے اُس نیاں تہرے منزلاں بݨایاں۔

توریت شریف: پَیدایش 6:7

اُس آخیا، ”جہیڑے میں اِنسان بݨائے سݨ میں اُنہاں ساریاں کی، زِیمی پر رینگݨے آلے تے ٹُرنے آلے جانوراں تے پرندیاں سمیت، ختم کری شوڑساں. میں پَچھتاݨا آں کہ میں اُنہاں کی بݨایا سی.“

توریت شریف: پَیدایش 7:15

ساریاں جانداراں وِچوں دو دو حضرت نُوح کول اچھی کے کشتی وِچ بہی گئے۔

توریت شریف: پَیدایش 7:17

چالیاں دیہاڑیاں تک سیلاب نا پاݨی زیادہ ہوݨا رہیا. پاݨی کشتی کی زِیمی تُوں اِتنا اُپر چائی کِہندا کہ کشتی تَرݨ لغی پئی۔

توریت شریف: پَیدایش 7:4

ستاں دیہاڑیاں تُوں بعد میں چالیاں دیہاڑیاں تے چالیاں راتاں تک بارِش برساساں، تے ہر جاندار کی میں زِیمی تُوں مُکاساں جیہڑے میں پیدا کِتے اݨ۔“

توریت شریف: پَیدایش 9:9

”تکو، ہُݨ میں تُساں نال تے تُساں نی نسلاں نال مہاڑا عہد قائم کرنا آں.

اِنجِیل شریف (لُوقا) 17:27

کِیئانکہ سَیلاب اچھݨے تے سارے لوکاں نے ڈُبݨے تُوں پہلے لوک بے غم ہوئی کے کھاݨے پِیݨے، تے شادیاں بیاہ کرنے سݨ، اُس دیہاڑے تک کہ حضرت نُوح بیڑی وِچ ٹُری گئے۔