توریت شریف: پَیدایش 50:18 - Mirpuri-Pahari Bible

¹⁸ فِر اُنہاں نے پہرآ اچھی کے اُنہاں نے پیراں وِچ ٹہٹھے تے آخݨ لغے، «تکو! اساں تُساں نے غُلام آں۔»

توریت شریف: پَیدایش 50:18 ပူးပေါင်းရင်းမြစ်များ

توریت شریف: پَیدایش 27:29

قوماں تُہاڑی خدمت کرݨ، قبیلے تہاڑے سامݨے چُہکݨ، توں اپݨے پہراواں نا سردار ہوویں، تُہاڑی ماؤ نے پُتر تہاڑے اگے چُہکݨ، جیہڑا تہاڑے تے لعنت پہیجے آپوں لعنتی ہووے، جہیڑا تُکی برکت دَے او برکت کِہݨے۔“

توریت شریف: پَیدایش 41:43

تے اُس حضرت یُوسف کی اپݨے تُوں دُوئے درجے نی شاہی سواری وِچ بہالی کے اُنہاں نے اگے اگے اعلان کروایا کہ ’گوڈیاں پر چُہکو!‘ اِس طرح اُس حضرت یُوسف کی پورے مصر نا حاکم بنائی شوڑیا۔

توریت شریف: پَیدایش 42:6

حضرت یُوسف مُلخے مصر نے حاکم سݨ، تے او ہی سݨ جیہڑے ساریاں لوکاں کی غلہ بیچݨے سݨ۔ حضرت یُوسف نے پہراواں اچھی کے اُنہاں اگے زِیمی پر چُہکی کے سلام کیتا۔

توریت شریف: پَیدایش 44:14

فِر یہوداہ تے اُس نے پہرآ حضرت یُوسف نے کہار پُہنچے، تے اِس ویلے تک حضرت یُوسف اُتھے ہی سݨ۔ تے او سارے اُنہاں نیاں پَیراں وِچ ٹہٹھے۔

توریت شریف: پَیدایش 45:3

حضرت یُوسف اپݨیاں پہراواں کی آخیا، «میں یُوسف آں! کَے مہاڑا پیؤ جِیݨا؟» پر اُنہاں نے پہرآ اُنہاں کی کوئی جواب ناں دیئی سکے، کِیئانکہ او اُنہاں نے رُعب توں بہُوں ڈری گئے سݨ۔

توریت شریف: پَیدایش 50:17

تُساں یُوسف کی اے آخیا کہ میں تُکی آخݨاں: تُوں اپݨے پہراواں نے غلط کم تے دوئے غناہ، یعنی جیہڑا اُنہاں تہاڑے نال مندا کِیتا سی، بخشی شوڑ۔ ہُݨ تُساں اپݨے پیؤ نے خُدا نے بندیاں نی غلطی معاف کری شوڑو۔» اُنہاں نی اے گل سُݨی کے حضرت یُوسف روݨ لغی پئے۔

توریت شریف: پَیدایش 50:19

پر حضرت یُوسف اُنہاں کی آخیا، «تُساں ناں ڈرو! میں خُدا ناں!