توریت شریف: پَیدایش 50:13 - Mirpuri-Pahari Bible

¹³ اُنہاں اُس کی مُلخ کَنعان وِچ آݨی کے ممرے نے سامݨے مکفیلہ نی باڑی نے غارے وِچ دبی شوڑیا، جس کی حضرت ابراہیئم باڑی سمیت ہتی قبِیلے نے عِفرون نامی بندے کولوں خریدی کے قبرستان واسطے اپݨی ملکیت بݨائی سی۔

توریت شریف: پَیدایش 50:13 ပူးပေါင်းရင်းမြစ်များ

توریت شریف: پَیدایش 23:20

اِس طرح اے باڑی تے غار جیہڑا اُس وِچ سی بنی حِت نی طرفوں قبرستان واسطے حضرت اِبراہِیم نی ملکیت وِچ چائی دِتا گیا۔

توریت شریف: پَیدایش 23:9

کہ او مکفیلہ نے غار کی، جیہڑا اُس نا اے تے اُس نی اِک باڑی نے کنارے پر اَے، پوری قیمت کِہنی کے تُساں نے سامݨے مِکی چائی دَے، تاںکہ قبرے واسطے او مہاڑی ملکیت بݨی جائے۔»

توریت شریف: پَیدایش 25:8

تے فِر او بہُوں بُڈھے ہوئی کے فوت ہوئے، تے اپݨے پیؤ دادے نال دوئے جہان وِچ جائی مِلے۔

توریت شریف: پَیدایش 25:9

.فِر اِنہاں نیاں پُتراں حضرت اسحاق تے حضرت اِسماعِیل اِنہاں کی مکفِیلہ نے غارے وِچ دبی شوڑیا، جیہڑا ممرے نے سامݨے ضحر حِتی نے پترے عِفرون نی باڑی وِچ سی.

توریت شریف: پَیدایش 35:27

فِر حضرت یعقُوب اپݨے پیؤ حضرت اسحاق کول پہنچی گئے، جیہڑے حَبرون نے کول ممرے وِچ رہݨے سݨ. (اُس ویلے حَبرون نا ناں قِریَت اَربع سی)۔ اُتھے حضرت اسحاق تے اُنہاں تُوں پہلے حضرت ابراہیم اجنبی نی حیثیت نال رہݨے ہوݨے سݨ.

توریت شریف: پَیدایش 35:29

تاں او فوت ہوئی گئے. او چنگے بُڈھے تے پوری عمر نے ہوئی کے اپݨے رشتہ داراں نال دوئے جہان وِچ جائی مِلے. تے اُنہاں نیاں پُتراں حضرت اِیسَو تے حضرت یعقُوب اُنہاں کی دَبی شوڑیا۔

توریت شریف: پَیدایش 46:4

تے میں تہاڑے نال مصر جاساں، فِر تُہاڑی نسلاں ضرور اُتھوں موڑی کے وی آݨساں. تے جِسلے تُوں مرسیں، یُوسف تہاڑے نال ہوسی۔»

توریت شریف: پَیدایش 47:30

بلکہ جدوں میں مری جاں، تے مِکی مصر وِچوں کڈی کے پیؤ دادے نے قبرستان وِچ دَبیاں.» حضرت یُوسف جواب دِتا، «جِس طرح تُساں آخیا اَے، میں اُسے طرح ہی کرساں۔»

توریت شریف: پَیدایش 50:12

حضرت یعقُوب نیاں پُتراں اِسے طرح کِیتا جس طرح اُنہاں نے پیُؤ اُنہاں کی وصیت کیتی سی:

توریت شریف: پَیدایش 50:14

اپݨے پیؤ کی دبݨے تُوں بعد، حضرت یُوسف، اُنہاں نے پہراہ، تے سارے لوک جیہڑے جنازے نال گئے سݨ، مصر مُڑی آئے۔