توریت شریف: پَیدایش 5:2 - Mirpuri-Pahari Bible

² اُس اُنہاں کی مرد تے عورت بݨایا، تے اُنہاں کی برکت دِتی. تے اُس اُنہاں نا ناں ”اِنسان“ رخیا.

توریت شریف: پَیدایش 5:2 ပူးပေါင်းရင်းမြစ်များ

توریت شریف: پَیدایش 1:27

اِس طرح اللّٰہ تعالیٰ انسان کی اپݨے اَر بݨایا. تے اُس اُنہاں کی مرد تے عورت بݨایا۔

توریت شریف: پَیدایش 1:28

اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 2:15

فِر رب تعالیٰ بندے کی کہنی کے باغِ عدن وِچ رخیا، تانکہ او اُس باغے نی باغبانی تے دیکھ بھال کرے۔

توریت شریف: پَیدایش 2:23

بندے آخیا، ”اے مہاڑیاں ہڈیاں وِچوں ہڈی اے، تے مہاڑے گوشتے وِچوں گوشت اے! ہُݨ اِس کی ”اِشّاہ“ یعنی ”عورت“ آخیا جاسی، کِیئانکہ او ”اِیش“ یعنی ”مرد“ وِچوں کِہندی گئی اے۔“

توریت شریف: پَیدایش 5:3

جس ویلے حضرت آدم 130 سالاں نے ہوئے، تے اُنہاں نا اِک پُتر جمیا جہیڑا بِلکل اُنہاں نے اَر سی. حضرت آدم اُس نا ناں شِیث رخیا۔