توریت شریف: پَیدایش 48:4 - Mirpuri-Pahari Bible

⁴ آخیا کہ ”میں تُکی پھلݨ پھُلݨ دیساں تے تُہاڑی تعداد بدھاساں۔ میں تہاڑے وِچوں بہُوں قبِیلے پیدا کرساں، تے تہاڑے پِچھے تُہاڑی نسلاں کی اے زِیمی ہمیشہ واسطے ملکیَت وِچ دیساں۔“

توریت شریف: پَیدایش 48:4 ပူးပေါင်းရင်းမြစ်များ

توریت شریف: پَیدایش 12:2

میں تہاڑے وِچوں بڑی قوم بݨاساں، تُکی برکت دیساں، تے تُہاڑا ناں بڑا کرساں، تانکہ توں برکت نا ذریعہ بݨیں۔

توریت شریف: پَیدایش 17:13

کہار نے ہر مرد پر سُنتاں لازم اݨ، پاویں او کہار پیدا ہویا، یا کُسے پردیسی کولوں خریدیا ہووے. اے اِس گل نا نِشان ہوسی کہ مہاڑا عہد تُساں نال ہمیشہ تک قائم رہسی.

توریت شریف: پَیدایش 17:6

میں تُکی بہُوں زیادہ بدھاساں، تے میں تُہاڑے کولوں قوماں پیدا کرساں. تے تُہاڑی نسلاں وِچوں بادشاہ بݨسݨ۔

توریت شریف: پَیدایش 17:8

میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

توریت شریف: پَیدایش 22:17

کہ میں تُکی بہُوں برکت دیساں. تُہاڑی نسل اِتنی بدہاساں جِتنے آسمانے پر تارے اݨ، تے جِتنی سمندر نے کنارے پر ریت اے۔ تے تُہاڑی اُولاد اپݨے دُشمݨاں پر فتح حاسل کرسی.

توریت شریف: پَیدایش 26:4

میں تُہاڑی اولاداں کی اِتنا بدھاساں جِس طرح آسمانے نے تارے اݨ، تے اے سارا مُلخ اُنہاں کی دیساں، تے دُنیا نیاں ساریاں قوماں تُہاڑی اولاداں نے وسیلے نال برکت کِہنسݨ.

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 32:12

اے تُہاڑا ہی آخݨا اے کہ ’میں تہاڑے نال ضرور چنگیائی کرساں تے تُہاڑی نسلاں سمندر نی ریتو نی طرح بدھاساں جہڑیاں گِݨݨ ناں ہوسݨ‘.“

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 46:3

اللّٰہ تعالیٰ آخیا، «میں خُدا آں! تے میں تہاڑے پیؤ نا خُدا آں! مصر وِچ جاݨے تُوں ناں ڈر، کِیئانکہ میں اُتھے تہاڑے وِچوں اِک بڑی قوم پیدا کرساں۔

توریت شریف: پَیدایش 47:27

حضرت یعقُوب نی اولاد، یعنی بنی اسرائیلی لوک، مُلخ مصر وِچ جوشن نے علاقے وِچ رہݨے سݨ. اُتھے اُنہاں کی زمین لبھی، تے او بہُوں سارے پَھلے پھولے، تے اُنہاں نی تعداد بہُوں ہی زیادہ ہوئی گئی۔