توریت شریف: پَیدایش 48:21 - Mirpuri-Pahari Bible

²¹ فِر حضرت یعقُوب حضرت یُوسف کی آخیا، «میں تے مرنے آلا آں. پر اللّٰہ تعالیٰ تُساں ساریاں نال ہوسی، تے تُساں کی تُساں نے پیؤ دادے نے مُلخے وِچ موڑی کے کہنی جاسی۔

توریت شریف: پَیدایش 48:21 ပူးပေါင်းရင်းမြစ်များ

توریت شریف: پَیدایش 12:5

حضرت ابرام اپݨی زناݨی ساری کی، اپݨے پتریئے حضرت لوط کی، تے سارا مال جیہڑا اُنہاں جمع کِیتا سی تے اُنہاں نوکراں سمیت جیہڑے ہاران شہر وِچ ملی گئے سݨ، اِنہاں نال کِہندا تے کَنعان مُلخ در روانہ ہوئے، تے اُتھے پہنچی گئے۔

توریت شریف: پَیدایش 15:14

پر میں اُس قوم پر عذاب آݨساں جس نی اے غلامی کرسݨ، فِر بعد وِچ تُہاڑی نسل نے لوک بہُوں دولت کہنی کے اُتھوں نکلی اچھسݨ۔

توریت شریف: پَیدایش 15:16

فِر چوتھی پُشتے وِچوں تُہاڑی نسل نے لوک اِتھے مُڑی اچھسݨ، کِیئانکہ اَموری قوم نے غُناہ اُس حد تک نی پُہنچے کہ اُنہاں پر عذاب آئی کے اِس مُلکے وِچوں باہر کڈیا جائے۔“

توریت شریف: پَیدایش 26:3

اِسے مُلخے وِچ مقیم ہوئی جا، تے میں تُہاڑے نال ہوساں تے تُکی برکت دیساں. میں تُکی تے تُہاڑی نسلاں کی اے سارا مُلخ دیساں، تے میں اُس قسم کی پورا کرساں جیہڑی میں تُہاڑے پیو اِبراہِیم نال کیتی سی۔

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 37:1

حضرت یعقُوب مُلخے کَنعان وِچ رہݨے سݨ، جتھے اُنہاں نا پیؤ مسافر نی طرح رہیا۔

توریت شریف: پَیدایش 46:4

تے میں تہاڑے نال مصر جاساں، فِر تُہاڑی نسلاں ضرور اُتھوں موڑی کے وی آݨساں. تے جِسلے تُوں مرسیں، یُوسف تہاڑے نال ہوسی۔»

توریت شریف: پَیدایش 47:29

جدوں اُنہاں نے مرنے نا ویلا نیڑے آیا، تے اُنہاں اپݨے پُترے حضرت یُوسف کی بُلایا تے آخݨ لغے، «جے تُوں مہاڑے پر مِہربان ایں، تے توں اپݨا ہتھ مہاڑے چوڑے نے تھلے رخی کے پکی پکی قسم چا کہ توں مہاڑے نال رحم تے وفاداری کری کے مِکی مُلخ مصر وِچ ناں دبݨ لغا۔

توریت شریف: پَیدایش 50:24

فِر اِک دیہاڑے حضرت یُوسف اپݨے پہرواں کی آخیا، «میں مرنے آلا آں! اللّٰہ تعالیٰ یعقیناً تُساں نی مدد کرسی، تے تُساں کی اِس مُلخے وِچوں اُس مُلخے وِچ پُہنچاسی، جس نے دیݨے نی خُدا پیؤ یعقُوب ، دادے اسحاق، تے پڑدادے ابراہیم نال قسم کھادی سی۔»

توریت شریف: پَیدایش 50:6

فرعون آخیا، «جائی کے اپݨے پیؤ کی جس طرح اُس تُکی قسم دَوائی سی، اُس جغہ وِچ دبی شوڑ۔»

اِنجِیل شریف (لُوقا) 2:29

”شُکر اے اللّٰہ تعالیٰ! تُوں اپݨا وعدہ پُورا کِیتا اَے۔ ہُݨ تُوں اپݨے اِس بندے کی اپݨے کول بُلائی کِݨ۔