توریت شریف: پَیدایش 48:19 - Mirpuri-Pahari Bible

¹⁹ پر اُنہاں نے پیؤ ناں مَنیا تے آخیا، «اے مہاڑیا پُترا! مِکی پتہ اے. مِکی پتہ اے. اِس کولوں وی اِک قوم پیدا ہوسی تے اے وی بڑا بݨسی. پر اِس نا نِکا پہرآ اِس کولوں بہُوں ہی بڑا ہوسی، کِیئانکہ اِس نی نسلاں وِچوں بہُوں قوماں ہوسݨ۔»

توریت شریف: پَیدایش 48:19 ပူးပေါင်းရင်းမြစ်များ

توریت شریف: پَیدایش 17:4

”تک! مہاڑا عہد تہاڑے نال اے، کہ تُوں بہوُں قوماں نا پیو ہوسیں۔

توریت شریف: پَیدایش 25:23

رب اُنہاں کی آخیا، ”تہاڑے ٹہڈے وِچ دو قوماں اݨ، تے دو مُخالف قبیلے تُساں کولوں جَمسݨ. اِک قبیلہ دوئے قبیلے کولوں ڈاڈھا ہوسی، تے جیہڑا بڑا ہوسی نکے نی خِدمت کرسی۔»

توریت شریف: پَیدایش 25:28

حضرت اسحاق حضرت اِیسَو نال بہُوں لاڈ کرنے سݨ، کِیئانکہ او اُنہاں نا شکار کیتا وا گوشت کھاݨے سݨ. پر بی بی رِبقہ حضرت یعقُوب نال بہُوں لاڈ کرنے سݨ۔

توریت شریف: پَیدایش 28:14

تُہاڑی نسل زِیمی اپر مٹی نے ذریاں نی طرح ہوسی، تے تُوں مشرق، مغرب، شمال تے جنوب تک پھیلی جاسیں. دُنیا نے سارے قبیلے تُہاڑے تے تُہاڑی نسلاں نے ذریعے برکت کِہنسݨ۔

توریت شریف: پَیدایش 46:3

اللّٰہ تعالیٰ آخیا، «میں خُدا آں! تے میں تہاڑے پیؤ نا خُدا آں! مصر وِچ جاݨے تُوں ناں ڈر، کِیئانکہ میں اُتھے تہاڑے وِچوں اِک بڑی قوم پیدا کرساں۔

توریت شریف: پَیدایش 48:14

پر حضرت یعقُوب اپݨا سجا ہتھ چائی کے افرائیم نے سِرے پر رخیا جیہڑا نِکا سی، تے فِر اپݨے کھبے ہتھے کی مَنَسّی نے سِرے پر رخیا، جیہڑا بڑا سی۔

توریت شریف: پَیدایش 48:18

حضرت یُوسف اپݨے پیؤ کی آخیا، «ابا جی! اِس طرح ناں کرو، کِیئانکہ پہلیٹھی نا پُتر مَنَسّی اَے۔ اپݨے سجے ہتھے کی اُسے نے سِرے پر رخو۔»