توریت شریف: پَیدایش 48:15 - Mirpuri-Pahari Bible

¹⁵ اُنہاں حضرت یُوسف کی برکت دیݨیاں آخیا، «اللّٰہ تعالیٰ جس نے سامݨے مہاڑے پیؤ حضرت اسحاق تے مہاڑے دادے حضرت اِبراہِیم اپݨا زمانہ پورا کیتا، تے او اللّٰہ تعالیٰ جس ساری عمر اَج نے دیہاڑے تک مہاڑی رکھوالی کیتی اَے،

توریت شریف: پَیدایش 48:15 ပူးပေါင်းရင်းမြစ်များ

توریت شریف: پَیدایش 17:1

جس ویلے حضرت ابرام نَنِنَوے سالاں نے ہوئے، اُس ویلے رب اُنہاں پر ظاہر ہویا تے آخیا، ”میں اللّٰہ قادرِ مطلق آں۔ مہاڑے مُطابق زِندگی گُزار، تے بے اِلزام رہو۔

توریت شریف: پَیدایش 24:20

او تاولی تاولی کہڑے کی کھُرلی وِچ ڈولی کے فِر کھوئے در دوڑی، تے پاݨی پہری پہری کے ساریاں اُونٹھاں کی پلایا۔

توریت شریف: پَیدایش 24:40

اُنہاں فِر مِکی آخیا کہ ’رب، جس نے حُکم نے مُطابق میں زندگی گُزارنا ریا آں، او تہاڑے نال اپݨا فرشتہ پہیجسی تے تُہاڑا سفر کامیاب کرسی. تُوں ضرور مہاڑے پُترے واسطے مہاڑیاں رِشتے داراں تے مہاڑے پیؤ نے کہرے وِچوں کُڑی آݨسیں.

توریت شریف: پَیدایش 27:27

حضرت یعقُوب ، کول جائی کے، حضرت اسحاق کی چُمیا. جدوں حضرت یعقُوب نے کپڑیاں کولوں اِیسَو نی خوشبو آئی، تے حضرت اسحاق برکت دیݨیاں آخیا، ”تکو، مہاڑے پُترے نی خوشبو اُس باڑی نی خُوشبو نی طرح اے، جِسی رب برکت دِتی اے!

توریت شریف: پَیدایش 27:4

مہاڑی پسند نے مطابق مزیدار پکائی کے مہاڑے اگے آݨ، تانکہ میں کھاں تے تُکی اپݨے جِیݨیاں ہی دعا دیاں۔“

توریت شریف: پَیدایش 28:20

حضرت یعقُوب مَنت منی کے آخیا، ”اے خُدا، جے تُوں مہاڑے نال ہوئیں، تے جیہڑا سفر میں کرنا پیاں اِس وِچ مہاڑی حفاظت کریں، تے مِکی کھاݨے واسطے روٹی تے لاݨے واسطے کپڑے دیݨا رہیں،

توریت شریف: پَیدایش 28:22

تے اے بٹہ جیہڑا اِتھے میں کھَلایا اے تُہاڑا کہار ہوسی، تے جیہڑا کُج تُوں مِکی دیسیں، اُس نا دسواں حصہ میں ضرور تُکی دیا کرساں.“

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 35:3

اچھو، فِر اَساں بیت ایل در جاں. میں اُتھے اللّٰہ تعالیٰ واسطے قربانی دیݨے آلی اِک جغہ بݨاں، جس مہاڑی تنگی نے دیہاڑیاں وِچ مہاڑی دُعا قبول کیتی سی، تے جِدھر وی میں گیا آں، او مہاڑے نال ہی رہیا.“

توریت شریف: پَیدایش 48:16

او فرِشتہ جس مِکی ساریاں مصِیبتاں توں بچایا اَے، اِنہاں پُتراں کی برکت دَے. اللّٰہ تعالیٰ کرے کہ مہاڑا ناں تے مہاڑے پِیؤ دادے اِبراہِیم تے اسحاقؐ نے ناں اِنہاں نے طفیل جِیݨے رہݨ، تے دُنیا وِچ اِنہاں نی اولاد بہُوں ودھے۔»

توریت شریف: پَیدایش 49:22

یُوسف، تُوں پھلدار بیل ایں. تُوں پاݨی نے چوئے پر لغی وی پھلدار بیل ایں، جِس نیاں ٹالیاں دیوارے پر چڑھنیاں پئیاں.

توریت شریف: پَیدایش 49:24

پر تُوں کمان کِنہی کے مظبوطی نال کھلتا رہیا، تے تُہاڑیاں باں یعقُوب نے طاقت آلے خُدا نی وجہ نال طاقتور رہیاں، خُدا، جیہڑا چرواہا تے بنی اِسرائیل نی چِٹان اے.

توریت شریف: پَیدایش 49:28

اے بنی اِسرائیل نے کُل بارہ قبیلے اݨ، تے اے او کُج اے جیہڑا اُنہاں نے پِیؤ اُنہاں کی برکت دیݨیاں آخیا. اُنہاں ہر اِک کی اُس نی اپݨی برکت دِتی.

توریت شریف: پَیدایش 6:9

حضرت نُوح نا قصہ اے اَے۔ حضرت نُوح اِک چنگے تے راستباز بندے سݨ، تے اپݨے زماݨے نیاں لوکاں وِچ صِرف او ہی اِک نیک بندے سݨ۔ او قُربِ اِلٰہی وِچ رہݨے سݨ۔

اِنجِیل شریف (لُوقا) 1:6

حضرت زکریاہ تے اُنہاں نی بِیوی دوئے پرہیزگار سݨ، تے او بہُوں خلُوص نال اللّٰہ تعالیٰ نی شرِیعت اپر چلݨے سݨ۔