توریت شریف: پَیدایش 48:12 - Mirpuri-Pahari Bible

¹² فِر حضرت یُوسف اُنہاں پُتراں کی حضرت یعقُوب نیاں گوڈیاں نے سامݨے تُوں ہٹائی کے مُونہے پہار زِیمی تک چُہکے۔

توریت شریف: پَیدایش 48:12 ပူးပေါင်းရင်းမြစ်များ

توریت شریف: پَیدایش 18:2

فِر حضرت اِبراہِیم اپݨی نظر اُپر کری کے تکیا کہ ترَے بندے اُنہاں نے سامݨے کھلتے وے سݨ۔ او اُنہاں کی تکی کے تمبو نے مُونہے اگوں اُٹھی کے مِلݨے واسطے دوڑے، تے سِر نیواں کری کے زِیمی تک چُہکے۔

توریت شریف: پَیدایش 19:1

فِر او دو فرشتے نماشاں ویلے شہر سدُوم وِچ آئی گئے، تے حضرت لُوطؑ شہر نے دروازے پر بیٹھے وے سݨ. اُنہاں کی تکی کے ہی او اُنہاں نے سلام واسطے اُٹھے، تے چُکی گئے.

توریت شریف: پَیدایش 23:7

فِر حضرت اِبراہِیم اُٹھی کے بنی حِتّ نے لوکاں اگے آداب کِیتا،

توریت شریف: پَیدایش 33:3

تے او آپوں اِنہاں نے اگے اگے ٹُرے، تے اپݨے پہراؤ کول پُہچݨے تک ست واری زِیمی اپر چُہکے۔

توریت شریف: پَیدایش 42:6

حضرت یُوسف مُلخے مصر نے حاکم سݨ، تے او ہی سݨ جیہڑے ساریاں لوکاں کی غلہ بیچݨے سݨ۔ حضرت یُوسف نے پہراواں اچھی کے اُنہاں اگے زِیمی پر چُہکی کے سلام کیتا۔

توریت شریف: پَیدایش 48:11

حضرت یعقُوب حضرت یُوسف کی آخیا، ”مِکی خیال وی نِی سی کہ میں تُہاڑا مُونہ تکساں. پر اللّٰہ تعالیٰ تُہاڑی اولاد وی مِکی دَسی شوڑی اَے۔»

توریت شریف: پَیدایش 48:13

حضرت یُوسف اُنہاں دوآں کی کہنی کے افرائیم کی اپݨے سجے ہتھے نال حضرت یعقُوب نے کھبے ہتھے نے مقابلے وِچ، تے مَنَسّی کی اپݨے کھبے ہتھے نال حضرت یعقُوب نے سجے ہتھے نے مقابلے وِچ کری کے اُنہاں نے نیڑے کہنی آئے۔