توریت شریف: پَیدایش 48:10 - Mirpuri-Pahari Bible

¹⁰ پر حضرت یعقُوب نیاں اکھیاں نی لو بُڑھاپے نی وجہ نال کٹ ہوئی گئی سی۔ اِس واسطے اُنہاں کی صحیح نی سی دِسݨا۔ فِر حضرت یُوسف اپݨیاں دوآں پُتراں کی اُنہاں نے نیڑے کہنی آئے، تے حضرت یعقُوب اُنہاں کی پیار دیئی کے گلے نال لایا۔

توریت شریف: پَیدایش 48:10 ပူးပေါင်းရင်းမြစ်များ

توریت شریف: پَیدایش 27:1

جس ویلے حضرت اسحاق بُڈھے ہوئی گئے سݨ تے اُنہاں نی نظر اِتنی کمزور ہوئی گئی سی کہ اُنہاں کی بہُوں ہی کہٹ نظر اچھݨا سی، تے اُنہاں اپݨے بڑے پُترے حضرت اِیسَو کی بُلائی کے آخیا، ”مہاڑیا پُترا.“ اُنہاں جواب دِتا، ”جی، میں حاضر آں۔“

توریت شریف: پَیدایش 27:27

حضرت یعقُوب ، کول جائی کے، حضرت اسحاق کی چُمیا. جدوں حضرت یعقُوب نے کپڑیاں کولوں اِیسَو نی خوشبو آئی، تے حضرت اسحاق برکت دیݨیاں آخیا، ”تکو، مہاڑے پُترے نی خوشبو اُس باڑی نی خُوشبو نی طرح اے، جِسی رب برکت دِتی اے!

توریت شریف: پَیدایش 31:55

لابن سویرے سویرے اُٹھیا، تے اپݨے دوتریاں تے اپݨیاں تیہآں کی پیار تے برکت دیئی کے کہرے در مُڑی گیا۔

توریت شریف: پَیدایش 45:15

فِر اُنہاں ساریاں پہراواں کی پیار دِتا تے اُنہاں نال گلے لغی کے روئے، تے فِر پہرآ اُنہاں نال گلاں کرݨ لغے۔

توریت شریف: پَیدایش 48:11

حضرت یعقُوب حضرت یُوسف کی آخیا، ”مِکی خیال وی نِی سی کہ میں تُہاڑا مُونہ تکساں. پر اللّٰہ تعالیٰ تُہاڑی اولاد وی مِکی دَسی شوڑی اَے۔»

توریت شریف: پَیدایش 48:8

فِر حضرت یعقُوب حضرت یُوسف نیاں پتراں کی تکیا تے پُچھیا، «اے کُݨ اݨ؟»