توریت شریف: پَیدایش 47:21 - Mirpuri-Pahari Bible

²¹ مصر نے اِک سِرے توں کہنی کے دوئے سِرے تک جتنے لوک آباد سݨ، اُنہاں ساریاں کی حضرت یُوسف فرعون نا غُلام بݨائی شوڑیا۔

توریت شریف: پَیدایش 47:21 ပူးပေါင်းရင်းမြစ်များ

توریت شریف: پَیدایش 41:48

حضرت یُوسف برابر سَتاں سالاں تک ساریاں فصلاں جہڑیاں مُلخے وِچ ہوݨیاں رِہیاں، شہراں وِچ جمع کری کے اُنہاں نا ذخیرہ کرنے رہے۔ ہر شہرے نے آسے پاسے نیاں زمِیناں نیاں فصلاں اُسے شہرے وِچ محفُوظ کری کِہندیاں۔

توریت شریف: پَیدایش 47:20

اِس طرح حضرت یُوسف مصر نی ساری زِیمی فرعون نے نائیں پر خریدی کِہندی، کِیئانکہ سخت قحط کولوں تنگ اچھی کے مصریاں وِچوں ہر بندے اپݨیاں باڑیاں بیچی سَٹیاں. تے بس! اِس طرح ساری زِیمی فرعون نی ملکیت ہوئی گئی۔

توریت شریف: پَیدایش 47:22

پر پُجاریاں نی زِیمی بکݨے تُوں بچی گئی، کِیئانکہ پُجاریاں کی فرعون نی طرفوں سامان لبھݨا سی. اِس واسطے او اُس راشن پر گُزارہ کرنے سݨ. اِس طرح اُنہاں نی زِیمی بچی گئی۔