توریت شریف: پَیدایش 47:18 - Mirpuri-Pahari Bible

¹⁸ جدوں اے سال لنگی گیا، تے او فِر دوئے سال اُنہاں کول اچھی کے آخݨ لغے، «جناب، اساں تُساں کولوں کُج ناں چھپاݨے، کِیئانکہ اساں نا سارا پیسہ مُکی گیا۔ تے تُساں اَساں نے ڈنگراں تے پہڈاں بکریاں نے مالک وی بݨی گئے او. جناب، ہُݨ اَساں کول اپݨے جسم تے اپݨی زِیمی نے علاوہ کُج وی نی رہیا۔

توریت شریف: پَیدایش 47:18 ပူးပေါင်းရင်းမြစ်များ

توریت شریف: پَیدایش 47:17

فِر او حضرت یُوسف کول اپݨے ڈنگر آݨنے رہے، تے حضرت یُوسف کہوڑے، پہڈاں، بکریاں، گاںئیاں، داند تے کھوتیاں نے بدلے وِچ اُنہاں کی غلہ دیݨ لغی پئے۔ تے پُورا سال حضرت یُوسف اُنہاں کی ڈنگراں نے بدلے غلہ دیݨے رہے۔

توریت شریف: پَیدایش 47:19

تے بس! ہُݨ اے کِس طرح ہوئی سکݨا کہ اَساں تُساں نے سامݨے فاقے نال تڑفی تڑفی کے مری جاں، تے ساڑی زِیمی اُجڑی جائے؟ اِس واسطے تُساں ہُݨ اساں کی ساڑے تے ساڑیاں زمیناں نے بدلے وِچ غلہ دیو، تے اَساں فرعون نے غلام بݨی جاں تے او ساڑیاں زمیںاں نا مالک بݨی جائے۔ اَساں کی بِیں دیئی شوڑو، تانکہ اَساں مَراں ناں، بلکہ جِیݨے ریاں تے مُلخ وی ناں اُجڑے۔»