توریت شریف: پَیدایش 47:1 - Mirpuri-Pahari Bible

¹ فِر حضرت یُوسف اچھی کے فرعون کی خبر دِتی، «مہاڑا پیؤ تے مہاڑے پہرآ اپݨے سارے مال مویشی کہنی کے مُلخے کَنعان تُوں آئی گئے اݨ، تے ہُݨ او جَوشن نے علاقے وِچ اݨ.»

توریت شریف: پَیدایش 47:1 ပူးပေါင်းရင်းမြစ်များ

توریت شریف: پَیدایش 45:10

تُساں جَوشن نے علاقے وِچ رہی سکݨے او، تے تُساں نی آل اولاد، تُساں نیاں پہڈاں، بکریاں، گاںئیاں، داند، تے تُساں نا سارا مال مہاڑے نیڑے ہوسی۔

توریت شریف: پَیدایش 45:16

فرعون نے محل وِچ اِس گل نا ذکر ہویا کہ حضرت یُوسف نے پہرآ آئے وے، تے فرعون تے اُس نے درباری بہُوں خوش ہوئے۔

توریت شریف: پَیدایش 46:28

حضرت یعقُوب یہوداہ کی اپݨے تُوں پہلے حضرت یُوسف کولوں جَوشن نا راہ پُچݨے واسطے پہیجیا۔ جدوں او جوشن نے علاقے وِچ پہیجے،

توریت شریف: پَیدایش 46:31

فِر حضرت یُوسف اپݨیاں پہراواں تے اپݨے پیؤ نے کہرے آلیاں کی آخیا، «میں ہُݨ جائی کے فرعون کی خبر دیݨاں آں کہ مہاڑا پیؤ، پہراہ تے اُنہاں نے کہرے آلے مہاڑے کول پُہچی آئے، جیہڑے کَنعان نے مُلخے وِچ رہݨے سݨ۔

توریت شریف: پَیدایش 46:34

تے تساں اے آخݨا کہ ”اَساں تُساں نے خادم، تے اَساں نے پیؤ دادے، بچپن تُوں ہی ڈنگر پالݨے آں.“ تاں تُساں جوشن نے علاقے وِچ رہی سکسو، کِیئانکہ مصریاں کی بکروالاں نال نفرت اے۔»