توریت شریف: پَیدایش 45:6 - Mirpuri-Pahari Bible

⁶ اِس واسطے کہ دوآں سالاں توں اِس مُلخے وِچ قحط اَے، تے ہور پنجاں سالاں تک رہسی، جنہاں وِچ ناں تے ہل ماریا جاسی تے ناں فصل کپی جاسی۔

توریت شریف: پَیدایش 45:6 ပူးပေါင်းရင်းမြစ်များ

توریت شریف: پَیدایش 37:2

حضرت یعقُوب نی نسلاں نا اے حال اَے. حضرت یُوسف ستاراں سالاں نی عمر وِچ اپݨے پہراواں نال، جیہڑے حضرت یقُوب نیاں بِیویاں بِلہاہ تے زِلفہ نے پُتر سݨ، پہڈاں بکریاں چراݨے ہوݨے سݨ- حضرت یُوسف اُنہاں نے پہیڑے کماں نی شکایت اپݨے پیؤ کی لاݨے ہوݨے سݨ۔

توریت شریف: پَیدایش 41:35

او اُنہاں چنگیاں سالاں وِچ خوراک جمع کرݨ، تے بادشاہ سلامت نے حُکم نے مُطابق او سارے شہراں نے گوداماں وِچ اِناج رخی کے محفُوظ کری کِہنݨ۔

توریت شریف: پَیدایش 41:46

حضرت یُوسف اُس ویلے ترِیئاں سالاں نے سݨ جس ویلے او مصر نے بادشاہ فرعون نی خدمت کرݨ لغے۔ فِر اُنہاں فرعون نے دربار وِچوں نِکلی کے مُلخے مصر نا دورہ کِیتا۔

توریت شریف: پَیدایش 41:53

مصر وِچ چنگے ست سال پورے ہوئی گئے۔

توریت شریف: پَیدایش 41:54

فِر حضرت یُوسف نے آخݨے نے مطابق قحط نے ست سال شروع ہوئی گئے۔ ساریاں مُلخاں وِچ قحط سی، پر مصر نے پُورے مُلخ وِچ خوراک موجود سی۔

توریت شریف: پَیدایش 41:56

سارے مُلخے اپر سخت قحط پئی گیا سی، تے حضرت یُوسف غلے نے ٹہیر کھولی شوڑے، تے مصریاں کی غلہ بیچیا-

توریت شریف: پَیدایش 47:18

جدوں اے سال لنگی گیا، تے او فِر دوئے سال اُنہاں کول اچھی کے آخݨ لغے، «جناب، اساں تُساں کولوں کُج ناں چھپاݨے، کِیئانکہ اساں نا سارا پیسہ مُکی گیا۔ تے تُساں اَساں نے ڈنگراں تے پہڈاں بکریاں نے مالک وی بݨی گئے او. جناب، ہُݨ اَساں کول اپݨے جسم تے اپݨی زِیمی نے علاوہ کُج وی نی رہیا۔

توریت شریف: پَیدایش 47:23

فِر حضرت یُوسف اُنہاں لوکاں کی آخیا، «تکو! میں اَج نے دیہاڑے تُساں کی تے تُساں نیاں زمیناں کی فرعون نے نائیں پر خریدی کہندا. ہُݨ تُساں اپݨے واسطے اَساں کولوں بِیں کہنو، تے باڑیاں وِچ راؤ.