توریت شریف: پَیدایش 45:5 - Mirpuri-Pahari Bible

⁵ اِس گل توں تُساں غمگین ناں ہووو، تے اپݨے اپر اِس گل نا اِلزام ناں لاؤ کہ تُساں مِکی بیچی شوڑیا سی، کِیئانکہ زندگیاں بچاݨے واسطے اللّٰہ تعالیٰ مِکی تُساں کولوں اگے اِتھے پہیجھی شوڑیا سی۔

توریت شریف: پَیدایش 45:5 ပူးပေါင်းရင်းမြစ်များ

توریت شریف: پَیدایش 37:28

جدُوں بنی اسماعِیلی سوداگر اُتھوں لنگے، تے پہراواں حضرت یُوسف کی کھڈے وِچوں باہر کہڈی کِہندا، تے اُنہاں کی بنی اسماعِیلیاں اگے چاندی نیاں وی سِکیاں واسطے بیچی سٹیا- فِر او سوداگر حضرت یُوسف کی مصر کہنی گئے۔

توریت شریف: پَیدایش 47:25

اے سُݨی کے او آخݨ لغے، «تُساں جان بَچائی اَے. بس، ہُݨ اساں پر جناب نے کرم نی نظر رہے، تے اَساں فرعون نے غلام بݨے رہساں۔»

توریت شریف: پَیدایش 50:19

پر حضرت یُوسف اُنہاں کی آخیا، «تُساں ناں ڈرو! میں خُدا ناں!

توریت شریف: پَیدایش 50:20

بے شک تُساں تے مہاڑے نال بدی کرنے نا ارادہ کِیتا سی. پر اللّٰہ تعالیٰ اُس تُوں نیکی بناݨے نا اِرادہ کری شوڑیا سی، تانکہ بہُوں لوکاں نی جان بچی رہے، تے اَج نے دیہاڑے اے ہی ہوݨا پیا۔

توریت شریف: پَیدایش 50:21

اِس واسطے تساں ناں ڈرو! میں تُساں نی تے تُساں نیاں بال بچیاں نی پرورش کرنا رہساں۔» اِس طرح اُنہاں اپݨیاں نرم گلاں نال اُنہاں کی تَسلی دِتی۔

اِنجِیل شریف (لُوقا) 23:34

حضرت عِیسیٰ اللّٰہ تعالیٰ اگے دُعا کِیتی، ”اَے باپ، اِنہاں کی مُعاف فرما! کِیئانکہ اِنہاں کی پتہ نی کہ کَے پئے کرنے اݨ۔“ فِر سِپاہیاں حضرت عِیسیٰ نے کپڑے بَنڈݨے واسطے قُرعہ سٹیا۔