توریت شریف: پَیدایش 45:18 - Mirpuri-Pahari Bible

¹⁸ اپݨے پیؤ تے اپݨے اپݨے کہرے آلیاں کی کہنی کے مہاڑے کول آئی جاؤ، تے جیہڑا مُلخ مصر وِچ چنگے توں چنگا عِلاقہ اَے، تُساں کی میں دیساں، تے تُساں اِس مُلخے نیاں چنگیاں چنگیاں چیزاں کھائی سکسو.“

توریت شریف: پَیدایش 45:18 ပူးပေါင်းရင်းမြစ်များ

توریت شریف: پَیدایش 27:28

اللّٰہ تعالیٰ آسمان نی اوس تے زِیمی نی زرخیزی تے بہُوں سارا غلہ تے مَے تُکی دَے!

توریت شریف: پَیدایش 45:17

فِر فرعون حضرت یُوسف کی آخیا، «اپݨے پہراواں کی اے آخو کہ ”تُساں اپݨے ڈنگراں کی لدی کے مُلخ کَنعان وِچ مُڑی جاؤ۔

توریت شریف: پَیدایش 46:34

تے تساں اے آخݨا کہ ”اَساں تُساں نے خادم، تے اَساں نے پیؤ دادے، بچپن تُوں ہی ڈنگر پالݨے آں.“ تاں تُساں جوشن نے علاقے وِچ رہی سکسو، کِیئانکہ مصریاں کی بکروالاں نال نفرت اے۔»

توریت شریف: پَیدایش 47:6

تے مصر نا مُلخ تہاڑے اگے اَے، اِس واسطے اِتھے نے چنگے توں چنگے علاقے وِچ اپݨے پیؤ تے پہراواں کی بَسائی شوڑ، مطلب جوشن نے علاقے وِچ اُنہاں کی رہݨ دے۔ جے تہاڑے خیالے وِچ اُنہاں وِچ کوئی سیاݨے بندے اݨ، تے اُنہاں کی مہاڑے ڈنگراں نی دیخ بھال واسطے رخی شوڑ۔»