توریت شریف: پَیدایش 45:10 - Mirpuri-Pahari Bible

¹⁰ تُساں جَوشن نے علاقے وِچ رہی سکݨے او، تے تُساں نی آل اولاد، تُساں نیاں پہڈاں، بکریاں، گاںئیاں، داند، تے تُساں نا سارا مال مہاڑے نیڑے ہوسی۔

توریت شریف: پَیدایش 45:10 ပူးပေါင်းရင်းမြစ်များ

توریت شریف: پَیدایش 46:34

تے تساں اے آخݨا کہ ”اَساں تُساں نے خادم، تے اَساں نے پیؤ دادے، بچپن تُوں ہی ڈنگر پالݨے آں.“ تاں تُساں جوشن نے علاقے وِچ رہی سکسو، کِیئانکہ مصریاں کی بکروالاں نال نفرت اے۔»

توریت شریف: پَیدایش 47:1

فِر حضرت یُوسف اچھی کے فرعون کی خبر دِتی، «مہاڑا پیؤ تے مہاڑے پہرآ اپݨے سارے مال مویشی کہنی کے مُلخے کَنعان تُوں آئی گئے اݨ، تے ہُݨ او جَوشن نے علاقے وِچ اݨ.»

توریت شریف: پَیدایش 47:12

تے حضرت یُوسف اُنہاں نی، تے اُنہاں نیاں ساریاں کہرے نیاں بندیاں تے اُنہاں نیاں بچیاں نی ضرورت نے مطابق غلہ وی دیݨے رہے۔

توریت شریف: پَیدایش 47:4

فِر اُنہاں اے وی فرعون کی آخیا، «اَساں اِس مُلخے وِچ مسافراں نی طرح رہݨے واسطے آئے آں، کِیئانکہ مُلخے کَنعان وِچ سخت قحط پَیݨے نی وجہ نال اساں تُساں نے خادماں نے ڈنگراں واسطے کہاہ ختم ہوئی گیا. تُساں مہربانی کرو تے اپݨے خادماں کی جوشن نے علاقے وِچ رہݨ دیو۔»

توریت شریف: پَیدایش 47:6

تے مصر نا مُلخ تہاڑے اگے اَے، اِس واسطے اِتھے نے چنگے توں چنگے علاقے وِچ اپݨے پیؤ تے پہراواں کی بَسائی شوڑ، مطلب جوشن نے علاقے وِچ اُنہاں کی رہݨ دے۔ جے تہاڑے خیالے وِچ اُنہاں وِچ کوئی سیاݨے بندے اݨ، تے اُنہاں کی مہاڑے ڈنگراں نی دیخ بھال واسطے رخی شوڑ۔»