توریت شریف: پَیدایش 43:7 - Mirpuri-Pahari Bible

⁷ اُنہاں جواب دِتا، «اُس بندے اَساں کی نی چھوڑیا، بلکہ اَساں کولوں اَساں نے سارے خاندان نا پُچھیاس۔ فِر اے وی آخیاس کہ ”کَے تُساں نا پیؤ جِیݨا؟“ تے ”تُساں نا کوئی ہور وی پہرآ اَے؟“ تاں فِر اَساں پُچھݨے پر دسی شوڑیا۔ اساں کی اے نی سی پتہ کہ او آخسی کہ ”تُساں آپݨے پہراؤ کی کہنی اچھو!“»

توریت شریف: پَیدایش 43:7 ပူးပေါင်းရင်းမြစ်များ

توریت شریف: پَیدایش 42:11

اساں سارے اِک ہی آدمی نے پُتر آں، تے اساں دیانت دار آں، جاسوس ناں۔“

توریت شریف: پَیدایش 42:13

فِر اُنہاں آخیا، ”اساں تُساں نے باراں غلام اِک ہی بندے نے پُتر آں، جیہڑا ملخے کَنعان وِچ رہݨا اے۔ اَساں نا ساریاں کولوں نِکا پہرا اِس ویلے اَساں نے پیؤ کول اے، تے اِک ہور وی سی، پر او نی رہیا۔»

توریت شریف: پَیدایش 43:27

حضرت یُوسف اُنہاں کولوں خیریت پُچھی، تے فِر آخیا، ”تُساں اپݨے بُڈھے پیؤ نا ذکر کِیتا سی. کَے او ٹھِیک اے؟ کَے او آلے تک زِندہ اے؟“

توریت شریف: پَیدایش 43:3

تاں فِر یہُودہ آخیا، «اُس بندے اَساں کی بہُوں تاکید کیتی سی کہ ”تُساں اُس ویلے تک مہاڑا مُونہ ناں تکسو جدوں تک تُساں نا پہرآ تُساں نال ناں ہوسی۔“

توریت شریف: پَیدایش 43:6

تاں فِر حضرت یعقُوب آخیا، «تُساں اُس بندے کی اے گل کیئاں دسی کہ اَساں نا اِک ہور پہرآ وی اَے؟ تُساں مہاڑے نال بہُوں مندا کِیتا۔»

توریت شریف: پَیدایش 44:19

عالی جاہ! تُساں سوال کِیتا سی کہ اَساں نا پیؤ یا پہرآ اَے؟