توریت شریف: پَیدایش 43:5 - Mirpuri-Pahari Bible

⁵ جے کدے تُساں اِس کی اَساں نال ناں پہیجسو، تے فِر اَساں ناں جاݨ لغے، کِیئانکہ اُس بندے آخی شوڑیا سی کہ، ”تُساں مہاڑا مُونہ اُس ویلے تک ناں تکسو، جدوں تک پہرآ تُساں نال ناں ہوسی۔»“

توریت شریف: پَیدایش 43:5 ပူးပေါင်းရင်းမြစ်များ

توریت شریف: پَیدایش 42:15

تے فرعون نی قَسم اے کہ تُساں اِتھوں جائی ناں سکݨے، جدوں تک تُساں نا ساریاں کولوں نِکا پہرآ اِتھے ناں آئی جائے. تے اے ہی تُساں نے آزماݨے نا طریقہ اے:

توریت شریف: پَیدایش 42:20

تے اپݨے ساریاں کولوں نِکے پہراؤ کی مہاڑے کول کہنی اچھو، اِس طرح تُساں نیاں گلاں نی تصدیق ہوئی جاسی، تے تُساں نہ مَرسو۔» اُنہاں مانی کِہندا،

توریت شریف: پَیدایش 42:38

حضرت یعقُوب آخیا، ”مہاڑا پُتر تُساں نال نی جاݨا، کِیئانکہ اِس نا سَکا پہرآ مری گیا، تے اے کَہلا رہی گیا اِے۔ جے کدے راہ وِچ جاݨیاں جاݨیاں اِس پر کوئی بَلا آئی گئی، تے تُساں مہاڑیاں چِٹیاں بالاں نال مِکی غمیں نال قبرے وِچ پُہنچاسو۔»

توریت شریف: پَیدایش 43:3

تاں فِر یہُودہ آخیا، «اُس بندے اَساں کی بہُوں تاکید کیتی سی کہ ”تُساں اُس ویلے تک مہاڑا مُونہ ناں تکسو جدوں تک تُساں نا پہرآ تُساں نال ناں ہوسی۔“

توریت شریف: پَیدایش 43:4

اُس واسطے جے تُساں اَساں نے پہراؤ کی اَساں نال پہیجو، تے اَساں جاساں تے تُساں واسطے غلہ خریدی کے کہنی اچھساں۔

توریت شریف: پَیدایش 43:6

تاں فِر حضرت یعقُوب آخیا، «تُساں اُس بندے کی اے گل کیئاں دسی کہ اَساں نا اِک ہور پہرآ وی اَے؟ تُساں مہاڑے نال بہُوں مندا کِیتا۔»

توریت شریف: پَیدایش 44:23

پر تساں اساں کی آخیا کہ جس ویلے تک تُساں نا نکا پہرآ تُساں نال ناں اچھسی، تے تُساں مہاڑا مُونہ فِر کدے ناں تکسو.

توریت شریف: پَیدایش 44:25

کُج مُدت تُوں بعد اَساں نا پیؤ آخݨ لغا کہ تُساں فِر جاؤ تے اساں واسطے کُج ہور غلہ خریدی کے کِنہی اچھو.

توریت شریف: پَیدایش 44:26

اَساں اپݨے پیؤ کی آخیا سی کہ اساں ناں جائی سکݨے۔ جے اَساں نا نکا پہرآ اَساں نال جاسی، تے اَساں تاں جاساں۔ کِیئانکہ جس ویلے تک اَساں نا نِکا پہرآ اَساں نال ناں ہوسی، اَساں اُس بندے نا مُونہ ناں تکی سکݨے.