توریت شریف: پَیدایش 42:29 - Mirpuri-Pahari Bible

²⁹ فِر او اپݨے مُلخے کَنعان وِچ اپݨے پیؤ حضرت یعقُوب کول آئے، تے ساریاں گلاں اُنہاں کی دسی کے آخݨ لغے،

توریت شریف: پَیدایش 42:29 ပူးပေါင်းရင်းမြစ်များ

توریت شریف: پَیدایش 42:28

فِر اُس اپݨے پہراواں کی آخیا، ”مہاڑے نقد پیسے مُڑی آئے، تے مہاڑی بوری وِچ پئے وے! تکی کہنو!» بس! فِر اُنہاں نے ساہ سُکی گئے، تے ہکے بکے ہوئی کے اِک دوئے دَر تکݨ لغے، تے آخیا، ”خُدا اَساں نال کَے کیتا؟»

توریت شریف: پَیدایش 42:30

«او آدمی جیہڑا اُس مُلخے نا مالک اے، اُس اَساں نال بہوں سختی نال گلاں کِیتیاں سݨ، تے اَساں کی اِس مُلخے نا جاسوس سمجیا سی۔

توریت شریف: پَیدایش 44:24

فِر اِس طرح ہویا کہ جِسلے اساں اپݨے پیؤ کول جیہڑا تُساں نا خادم اَے پہنچے، تے جو کُج تُساں آخیا سی اساں او سارا اُنہاں کی دسی شوڑیا۔

توریت شریف: پَیدایش 45:25

فِر او مصر توں ٹری گئے، تے مُلخ کَنعان وِچ اپݨے پیؤ حضرت یعقُوب کول پُہچے،

توریت شریف: پَیدایش 45:26

تے اُنہاں آخیا، «اللّٰہ تعالیٰ نا شُکر اے یُوسف ہالے تک زندہ ہی اے! تے سارے ملخ مصر نا حاکم او ہی اَے!» اے سُݨی کے حضرت یعقُوب نا دل اِک دم تَہڑکی گیا، کِیئانکہ اُنہاں کی اِس گل پر یقین نی سی اچھݨا پیا۔