توریت شریف: پَیدایش 42:27 - Mirpuri-Pahari Bible

²⁷ فِر جس ویلے او رات گُزارنے واسطے کُسے جغہ رُکے، تے اُنہاں وِچوں اِک پہرآ اپݨی کھوتی کی چارا دیݨ لغا. اُس اپݨی بوری کھولی، تے اپݨے نقد پیسے بوری نے مُونہے پر رخے وے تکے!

توریت شریف: پَیدایش 42:27 ပူးပေါင်းရင်းမြစ်များ

اِنجِیل شریف (لُوقا) 10:34

او اُس کول گیا تے اُس نے زخماں اپر دوائی لائی کے پَٹّی بَدھی۔ فِر اُس کی اپݨے سواری آلے جانور اپر بہالی کے اِک سَرائے در ہِݨی گیا جِتھے اُس نی دیخ پہال کِیتی۔

اِنجِیل شریف (لُوقا) 2:7

بی بی مَریم نا پہلا پُتر ہویا۔ اُنہاں اُس کی پوتڑیاں وِچ پلہیٹی کے اِک کُھرلی وِچ رخی شوڑیا، کِیئانکہ سرائے وِچ کوئی جغہ نی سی۔

توریت شریف: پَیدایش 44:11

تاں فِر اُنہاں تاول کیتی تے اپݨیاں اپݨیاں بوریاں زمین اپر لَوائی کے کھولیاں۔

توریت شریف: پَیدایش 24:25

اُس اے وی آخیا، ”تساں نے رہݨے نی جغہ تے اُونٹھاں واسطے کہاہ تے پَہو وی اَے۔“

توریت شریف: پَیدایش 42:26

فِر پہراواں اپݨیاں کھوتیاں پر غلہ لدیا، تے اُتھوں ٹری گئے۔

توریت شریف: پَیدایش 42:35

فِر اِس طرح ہویا کہ جِس ویلے اُنہاں اپݨیاں اپݨیاں بوریاں خالی کِیتیاں، تے ہر اِک بندے نے نقد پیسیاں نی تھیلی اُس نی بوری وِچ رخی وی سی! او تے اُنہاں نا پیؤ نقد پیسے نیاں تھیلیاں تکی کے ڈری گئے۔

توریت شریف: پَیدایش 43:18

جدوں اُنہاں کی حضرت یُوسف نے کہار کھڑیا جاݨا سی، تے او ڈری کے سوچݨ لغے، ”اساں کی اُنہاں پیسیاں نی وجہ نال اِتھے کھڑنے پئے، جیہڑے پہلی واری ساڑیاں بوریاں وِچ موڑی کے رکھے گئے سݨ- او اساں پر اچانک حملہ کری کے اساں کی غُلام بݨائی کِہنسݨ، تے ساڑے کھوتے کھسی کِہنسݨ-“