توریت شریف: پَیدایش 42:13 - Mirpuri-Pahari Bible

¹³ فِر اُنہاں آخیا، ”اساں تُساں نے باراں غلام اِک ہی بندے نے پُتر آں، جیہڑا ملخے کَنعان وِچ رہݨا اے۔ اَساں نا ساریاں کولوں نِکا پہرا اِس ویلے اَساں نے پیؤ کول اے، تے اِک ہور وی سی، پر او نی رہیا۔»

توریت شریف: پَیدایش 42:13 ပူးပေါင်းရင်းမြစ်များ

توریت شریف: پَیدایش 37:30

تے اپݨے پہراواں کول مُڑیا تے آخݨ لغا، «مُنڈا تے اُتھے کوئی نی! ہُݨ میں کدھر جاں؟»

توریت شریف: پَیدایش 42:11

اساں سارے اِک ہی آدمی نے پُتر آں، تے اساں دیانت دار آں، جاسوس ناں۔“

توریت شریف: پَیدایش 42:12

حضرت یُوسف آخیا، ”نہ! تساں اے تکݨے واسطے آئے او کہ ساڑا مُلخ کیہڑیاں جغاں پر غیر محفُوظ اے.»

توریت شریف: پَیدایش 42:14

فِر حضرت یُوسف اُنہاں کی آخیا، ”میں تُساں کی آخݨا تے پیا آں، کہ تُساں جاسوس او۔

توریت شریف: پَیدایش 42:32

اساں باراں پہرآ آں، تے سارے اِک ہی پیؤ نے پُتر آں۔ اَساں وِچوں اِک نی رہیا، تے اَساں ساریاں کولوں نِکا پہرآ اپݨے پیؤ کول مُلخے کَنعان وِچ اے۔

توریت شریف: پَیدایش 42:36

اُنہاں نے پیؤ حضرت یعقُوبؑ اُنہاں کی آخیا، ”تُساں مِکی بے اولاد کری شوڑیا! یُوسف وی نی رہیا، تے شمعُون وی نی رہیا! تے ہُݨ تُساں بن یامِین کی وی کھڑنا چاہݨے او! اے ساریاں گلاں مہاڑے خلاف اݨ۔»

توریت شریف: پَیدایش 42:38

حضرت یعقُوب آخیا، ”مہاڑا پُتر تُساں نال نی جاݨا، کِیئانکہ اِس نا سَکا پہرآ مری گیا، تے اے کَہلا رہی گیا اِے۔ جے کدے راہ وِچ جاݨیاں جاݨیاں اِس پر کوئی بَلا آئی گئی، تے تُساں مہاڑیاں چِٹیاں بالاں نال مِکی غمیں نال قبرے وِچ پُہنچاسو۔»

توریت شریف: پَیدایش 43:29

جدوں حضرت یُوسف اپݨے سکے پہراؤ بن یامِین کی تکیا، تے اُنہاں آخیا، ”کَے اے تُساں نا ساریاں تُوں نِکا پہرآ اے، جِس نا تُساں ذِکر کِیتا سی؟“ فِر اُنہاں آخیا، ”پُتر، اللّٰہ تعالیٰ تُہاڑے اپر مِہربان ہووے!“

توریت شریف: پَیدایش 43:7

اُنہاں جواب دِتا، «اُس بندے اَساں کی نی چھوڑیا، بلکہ اَساں کولوں اَساں نے سارے خاندان نا پُچھیاس۔ فِر اے وی آخیاس کہ ”کَے تُساں نا پیؤ جِیݨا؟“ تے ”تُساں نا کوئی ہور وی پہرآ اَے؟“ تاں فِر اَساں پُچھݨے پر دسی شوڑیا۔ اساں کی اے نی سی پتہ کہ او آخسی کہ ”تُساں آپݨے پہراؤ کی کہنی اچھو!“»

توریت شریف: پَیدایش 44:20

تے اَساں تُساں کی دسیا سی کہ اَساں نا اِک بُڈھا پیؤ اے، تے اُس نے بُڑھاپے نا اِک نِکا پُتر وی اَے، تے اُس نا سکا پہرآ مری گیا سی، تے او اپݨی ماؤ نا کہلا پُتر رہی گیا سی. اِس واسطے اُس نا پیؤ اُس پر جان وارنا۔

توریت شریف: پَیدایش 44:28

اِک مِکی چھوڑی گیا اَے، تے مہاڑے خیالے وِچ او ضرور چِیریا پھاڑیا گیا ہوسی. میں اُس ویلے توں اِس ویلے تک اُس کی نی تکیا۔

توریت شریف: پَیدایش 45:26

تے اُنہاں آخیا، «اللّٰہ تعالیٰ نا شُکر اے یُوسف ہالے تک زندہ ہی اے! تے سارے ملخ مصر نا حاکم او ہی اَے!» اے سُݨی کے حضرت یعقُوب نا دل اِک دم تَہڑکی گیا، کِیئانکہ اُنہاں کی اِس گل پر یقین نی سی اچھݨا پیا۔