توریت شریف: پَیدایش 41:57 - Mirpuri-Pahari Bible

⁵⁷ تے ساریاں ملخاں نے لوک غلہ خریدݨے واسطے حضرت یُوسف کول مصر وِچ اچھݨ لغے، کِیئانکہ ساری دُنیا وِچ سخت قحط سی۔

توریت شریف: پَیدایش 41:57 ပူးပေါင်းရင်းမြစ်များ

توریت شریف: پَیدایش 12:10

اِس ملخے وِچ قحط پئی گیا. قحط اِتنا سخت سی کہ حضرت ابرام مصر در ٹُری گئے، تے اتھے ہی ٹِکے رہے ۔

توریت شریف: پَیدایش 41:54

فِر حضرت یُوسف نے آخݨے نے مطابق قحط نے ست سال شروع ہوئی گئے۔ ساریاں مُلخاں وِچ قحط سی، پر مصر نے پُورے مُلخ وِچ خوراک موجود سی۔

توریت شریف: پَیدایش 41:56

سارے مُلخے اپر سخت قحط پئی گیا سی، تے حضرت یُوسف غلے نے ٹہیر کھولی شوڑے، تے مصریاں کی غلہ بیچیا-

توریت شریف: پَیدایش 42:1

جدوں حضرت یعقُوب کی پتہ لغا کہ ملخے مصر وِچ غلہ اَے، تے فِر اُنہاں اپݨیاں پُتراں کی آخیا، ”تُساں کِیئاں اِک دوئے نا مُونہ تکݨے او؟

توریت شریف: پَیدایش 42:5

فِر جیہڑے لوک غلہ خریدݨے واسطے آئے، اُنہاں نال حضرت یعقُوب نے پُتر وی آئے، کِیئانکہ ملخے کَنعان وِچ وی قحط سی-

توریت شریف: پَیدایش 42:6

حضرت یُوسف مُلخے مصر نے حاکم سݨ، تے او ہی سݨ جیہڑے ساریاں لوکاں کی غلہ بیچݨے سݨ۔ حضرت یُوسف نے پہراواں اچھی کے اُنہاں اگے زِیمی پر چُہکی کے سلام کیتا۔

توریت شریف: پَیدایش 43:1

او قحط مُلخے کَنعان وِچ ہور وی سخت ہوئی گیا۔

توریت شریف: پَیدایش 47:14

جتنے پیسے مصر تے کَنعان مُلخاں نے وِچ سݨ، او سارے حضرت یُوسف اُس کݨکے نے بدلے جمع کری کِہندے، تے فرعون نے محل وِچ پُہنچائی شوڑے۔

توریت شریف: پَیدایش 50:20

بے شک تُساں تے مہاڑے نال بدی کرنے نا ارادہ کِیتا سی. پر اللّٰہ تعالیٰ اُس تُوں نیکی بناݨے نا اِرادہ کری شوڑیا سی، تانکہ بہُوں لوکاں نی جان بچی رہے، تے اَج نے دیہاڑے اے ہی ہوݨا پیا۔