توریت شریف: پَیدایش 41:52 - Mirpuri-Pahari Bible

⁵² تے دوئے نا ناں اِفرائِیم، اے آخی کے رخیا کہ، ”اللّٰہ تعالیٰ مِکی مہاڑے مصیبت نے مُلخے وِچ پھلدار کیتا اے»۔

توریت شریف: پَیدایش 41:52 ပူးပေါင်းရင်းမြစ်များ

توریت شریف: پَیدایش 17:6

میں تُکی بہُوں زیادہ بدھاساں، تے میں تُہاڑے کولوں قوماں پیدا کرساں. تے تُہاڑی نسلاں وِچوں بادشاہ بݨسݨ۔

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 41:51

حضرت یُوسف پہلے نا ناں مَنَسّی، اے آخی کے رخیا کہ «اللّٰہ تعالیٰ مہاڑی تے مہاڑے پیؤ نے کہرے نی ساری مشقت مِکی پُہلائی شوڑی اَے۔»

توریت شریف: پَیدایش 41:53

مصر وِچ چنگے ست سال پورے ہوئی گئے۔

توریت شریف: پَیدایش 48:1

اُس توں بعد اِس طرح ہویا کہ کُسے حضرت یُوسف کی آخیا، «تُساں نا پیؤ بِیمار اَے.» فِر حضرت یُوسف اپݨے دوآں پُتراں مَنَسّی تے اِفرائیم کی نال کہنی کے پیؤ کول ٹُری گئے۔

توریت شریف: پَیدایش 48:14

پر حضرت یعقُوب اپݨا سجا ہتھ چائی کے افرائیم نے سِرے پر رخیا جیہڑا نِکا سی، تے فِر اپݨے کھبے ہتھے کی مَنَسّی نے سِرے پر رخیا، جیہڑا بڑا سی۔

توریت شریف: پَیدایش 48:5

حضرت یعقُوب اپݨی گل جاری رخی، ”تہاڑے او دو پُتر افرائیم تے مَنَسّی جیہڑے مُلخ مصر وِچ مہاڑے اچھݨے تُوں پہلے جمے سݨ، او مہاڑے پُتر ہوئی گئے اݨ، جِس طرح رُوبِن تے شمعُون وی مہاڑے پُتر ہی اݨ۔

توریت شریف: پَیدایش 49:22

یُوسف، تُوں پھلدار بیل ایں. تُوں پاݨی نے چوئے پر لغی وی پھلدار بیل ایں، جِس نیاں ٹالیاں دیوارے پر چڑھنیاں پئیاں.

توریت شریف: پَیدایش 50:23

اُنہاں افرائیم نی اولاد ترَے پُشتاں تک تکی، تے مَنَسّی نے پُتر مکیر نی اولاد وی حضرت یُوسف نی اولاد وِچ شامل ہوئی گئی۔